إقتباس الرسالة الأصلية كتبت بواسطة Abdullah-88 بالله عليكم يا شباب ابسالكم سؤال ... كاسياس كم له مع الريال ؟ كم له شايل الكبتنيه ؟ قد شفنا منه اي تصرفات تحسسنا انه ماله ولاء او حب للنادي ؟ اتركو عنكم هذا الموسم ،، انا اتكلم عن المواسم الماضيه ... تصريح مورينيو من وجهة نظري غلط ،، ما اشرهه عليه " مهايطي " وش ترجي من وراه ،، بس المفروض ما يقول هالكلام ،، ليه يعني وش مسوي لك كاسياس ؟!! مهما وصل الوضع وكان كبير المفروض ما يتكلم فيه في مؤتمر صحفي ،، الكلام يكون بينه وبين كاسياس او بينه وبين بيريز او اي احد ،، بس مايجي كذا قدام خلق الله ويتكلم !! للامانه والله ،، المشاكل هذي ما شفناها الا يوم جا مورينيو ،،عشان نفتك من هالمشاكل اللي مالها اول ولا اخر مورينيو لاااازم يمشي احترمه كمدرب للريال وماقصر معنا ،، بس بصراحة موب حالة ،، كل يوم مشكله وكل يوم يطلع واحد يزبد حق الثاني ،، ماقدر على العاشرة ،، خلاص يروح عند ناس يحبونه لان حنا ما نحبك كخه يا مورينيو

هل تابعت ريال مدريد ديل بوسكي ؟؟ هل قريت كتاب كاسياس وهو يكتب ان ديل بوسكي وهييرو << الكابتن اللي يسوى 10 من كاسياس مسوين ضده مؤامرة لانه جلس احتياطي

الصحفيين اعترفوا ان كاسياس يسرب لهم اخبار وش تبي اكثر من كذا ؟؟!!

مسكين هالكاسياس يحسب كل من وضعه في دكة البدلاء انه ينتقم منه ومسوي مؤامرة ضده

يعني لازم يلعب حتى لو مستواه زفت مثل مستواه هذي السنة واعتقد احصائيات كاسياس ضد دييجو فشلت الاول بدرجة كبيرة

شكلك متابع جديد للريال التحزبات هذي دايم تصير في فريق الريال واذكر انها كانت اقوى في عهد كابيللو وكاماتشو والسبب صحافة قديس مدريد

اي لاعب اسباني ممنوع الاقتراب منه بس غيره خذ راحتك فيه هذي عنصرية الاسبان وصحافتهم في عهد شوستر كان يسمون الفريق بالفريق البرتقالي وكان يكرهون تواجد الهولنديين حتى طلع كالديرون شنايدر وروبن وكانت اكبر خسارة لمدريد هذاك الوقت

مورينيو لما جاء كتم الصحافة ومنعها من التدخل في وضع الفريق ومن هذاك الوقت والصحافة تشن حملات قاسية عليه لانها فقدت سيطرتها على القرار وغرفة الملابس

اما تصريح بيبي فهو ماله الا تفسير واحد يبي يحافظ على بقاءه في النادي بعد ما علم بخروج مورينيو وبقاء الخروف كاسياس واختار انه ينضم لحزبه لتامين موقعه في الخارطة المدريدية

سؤال يطرح نفسه ليش مورينيو ما اجلس راموس على دكة البدلاء رغم انه صرحه ضده كم مرة

لان راموس رجل يصارح مورينيو امام وجهه ويقول وجهة نظرة ورأيه بدون خوف وكان واضح جدا مع مورينيو وهذا اللي يحبه المدرب

بعكس الكابيتانو اللي يروح يروج الاخبار للصحافة ويظهر كل المعلومات الصغيرة والكبيرة

الكابتنية من بعد راؤول تنعاف على كثر ما جلس في دكة البدلاء ما سمعنا في يوم انه اشتكى من هذا الوضع

الموسم القادم ملامحه سيئة من بدايتها