إقتباس الرسالة الأصلية كتبت بواسطة CR7 2012 شف يالغالي ابقول كلام يمكن مايعجب احد .. مورينهو مدرب كبير مانختلف وقدر يرجع الريال للساحه الاوروبيه وخلاه فريق يحسب له الف حساب مانختلف .. مورينهو قدم الشيء الكثير وفك عقدة دور الـ 16 وجاب الدوري 100 وجلب لنا الكاس بعد غياب 16 سنه .. بس لاتلوم كابيلو ولا شوستر ولا كماتشو المدربين السابقين .. ترا مورينهو اعطي ميزانيه مفتوحه وهذا اللي ماحصل للمدربين اللي قبله .. مورينهو كلمته هي الاعلى بالنادي ويقدر يطرد اللي يبي ويخلي اللي يبي .. اخر شيء كاسياس وقبله راموس واللي قبله فالدانو .. يعني ان مورينهو اعطي صلاحيات كبيره لم تعطى لأحد من المدربين السابقين .. انا مع مورينهو واتمنى بقائه لأني حتى الان ما اشوفه اعطي الفرصه الكامله .. 3 مواسم كل موسم كان له ضروفه .. ومن سوء حظه انه جاء للريال وهو في فتره سيئه جداً .. الريال قبل مورينهو كان يطلع من الاداور الاولى في التاشمب .. مورينهو بدء من الصفر وقعد يبني فريق وللأسف النتائج الى الان لم تظهر .. يمكن مورينهو ارتكب غلطات هالموسم مانقدر نجامله فيها .. مثل المهاجم .. لا انا ولا انت ولا اي نفر كان يطالب بمهاجم في الصيف الماضي وكلنا كنا نهلل في الهجوم وان بنزيما سجل 22 وهيغوين سجل 22 .. يالهي انهم افضل مهاجمين .. ومورينهو نفس الكلام خدعته الارقام وشفنا هالموسم كيف عانى الفريق من هالمركز .. الهجوم كان من الاسباب الرئيسه في خروج الريال من التشامب .. وتوديعه المنافسه على الليغا مبكراً .. مورينهو درب الريال في فتره كان منافسه البرشا في افضل فتراته وكان مجرد انك تفوز عليه في اول موسم لك هو انجاز فعلاً .. والسبب الرئيسي في عدم نجاح مورينهو هو انه درب الريال في الوقت اللي كان غريمه في اوج عطائه وقدر يبني الفريق لين الموسم هاذا اللي قدر فيه انه يلزخ البرشلونه وياخذهم رايح جاي في اسبوع .. وصدقني اذا استمر الموسم القادم راح يجيب الدوري والكاس والابطال ممكن .. بس نحتاج لمحور ومهاجم على اعلى مستوى ومايخطي المو اخاطئه السابقه .. مثل ما ان رونالدو راح يكون غبي اذا ترك الريال فـ مورينهو ايضاً راح يكون غبي لتركه الريال لأنه الفريق الافضل في العالم .. انا ما اتفق معك ولا اتفق مع عبدالله .. انا اخترت الحل الوسط اني ما اهلل لمورينهو وافتخر باللي سواه لأني كـ مدريدي كل اللي سواه مورينهو مايرتقي لطموحاتي .. ولا اتفق مع عبدالله اللي نسف مجهودات مورينهو .. اعذرني طولت عليك ^

بالنسبة لكاماتشو تقدر تقول لي من الاسماء اللي كانت معه ؟؟ افضل لاعبين العالم وقتها وايش حقق ؟؟ ولا شيء

كابيللو برضو كانت مع نفس الاسماء وان كان عطاءها قل عن السابق بس حقق الليغا بفرق المواجهات مع برشلونة مع اداء سيء في وقت كان فيه برشلونة يمر في حالة ضعف

شوستر نفس الكلام ينطبق عليه مر بفترة ضعف المنافس برشلونة اضافة الى انه قلب الفريق الى منتخب هولندا كل استقطاباته اسماء هولندية

قارن الاسماء اللي مع كابيللو وكاماتشو مع اللي مع مورينيو حاليا فيه بينها مقارنة !! ابدا ما فيها مقارنة

بليغريني حضر مع قدومه رونالدو وكاكا وكان مع قدومه ميزانية ضخمة وايش صار معه نطلع من ليون وننصك من الكوكورن بالاربعة ولا عمل اي شيء

مع احترامي لكل اللي ذكرتهم ما يقارنون بمورينيو لما يكون عندك فريق لاعبينه قلوبهم على بعض هذاك الوقت اقدر احاسب مورينيو واقيس نجاح عمله من فشله

بس اذا كان كابتن الفريق يعمل تحزبات ويحارب المدير الفني ويسرب الاخبار هنا ما تقدر تلوم مورينيو

وعلى فكرة استقطابات مورينيو كان باسعار مناسبة جدا اعلى صفقتين هي صفقة كوينتراو العام الماضي وصفقة مودريتش السنة هذي

اوزيل وخضيرة ودي ماريا جبناهم باسعار مناسبة جدا ولو تبي تبيعهم راح تكسب في قيمتهم الضعف بكل تأكيد

على فكرة كم عدد اهداف هيجوين و بنزيما العام الماضي ؟؟ سجلهم التهديفي الموسم اللي راح افضل بكثير من المهاجمين اللي نبحث عنهم الان

مورينيو انخدع فيهم وكلنا انخدعنا فيهم وظهر مستواهم لما نزل مستوى اوزيل ودي ماريا الموسم هذا

بالنسبة لصلاحيات المدرب هذي ترجع لقوة شخصيته مدرب مثل مورينيو اشترط مثل هذي الصلاحيات عند قدومه بعكس المدربين اللي شخصيتهم ضعيفة مثل كاماتشو وخواندي راموس وبليغريني وهنا الفرق

كم عدد الكروت اللي كان ياخذها بيبي ورونالدو واغلب اللاعبين مع بليجريني وعددها الان فرق والسبب الصرامة والانضباط

وما اتفق معك انه لو مورينيو طلع من الريال راح يخسر لانه لو راح لتشيلسي فعناصره مقاربة جدا للعناصر اللي عندك بل افضل منك " جماعيا " غير الانتدابات اللي راح يعملها خصوصا انه راح تكون عنده ميزاينة مفتوحة من المجنون الروسي

اتمنى مورينيو يبقى ولكن ان كان راحل ياليت يجي هاينكس او انشيلوتي !