إقتباس الرسالة الأصلية كتبت بواسطة maradona_10 للمرة الثانية اعتذر في انه اعتبرت عبدالله عطيف مهاجم وهو محور ثانيا يحيى المسلم اشوف فيه مقومات افضل من ماجد المرشدي ولو على المدربين فواز محد من المدربين كان يحطه في تشكيلة المباريات والحين مبدع مع الرائد ؟؟؟ ثالثا انت بكلامك هذا تبغى تبني تشكيلة من لاعب وهو الشلهوب وانا مو ضد الشلهوب بس في سلمان الفرج طيب افضل وانشط رابعا جربنا الكوري مباريات مو كم مباراة بس حضه بس من ناحية انه خطير فهو خطير في تحركاته ونجي نقارنه بكلامك بينه وبين ياسر من تشوف انه افضل في التحركات كمهاجم مع انه الى الان اقول ياسر مكانه الافضل يكون مهاجم ثاني مو راس حربة خامسا ويسلي يلعب معانا مهاجم ثاني وهو وصيف الهدافين مع العلم انه تراه طول حياته وهو راس حربة ولو تشرح لي بس الفرق بين راس الحربه والمهاجم الثاني اخيرا زلاتكو ما اقول اذا حافظ على النتيجه يعتبر خواف انا اقول اذا تقدم بهدف او هدفين يخاف من اغلاط اللاعبين وما يثق فيهم عشان كذا يحاول يضغط بلاعبين في منطقة المحور عشان يطلع بسلامة من المباراة مع انه تشوف الفريق ماشي كويس ما يحتاج تبديلات . سؤالي ليه يغير لاعبين في اذا كنا متقدمين مع انه الفريق تشوفه يلعب زين وماسك المباراة ليه تقفلها وتخلي الضغط على الدفاع اكثر لانه ما اشوف اي واقعيه في تبديل لاعبين والفريق ماسك المباراة كذا بيصير لخبطة في النص.