إقتباس الرسالة الأصلية كتبت بواسطة CR7 2012 - السلام عليكم ورحمة الله وبركاته .. نرجع نتكلم عن المباراة بأكثر هداوه وراحه نفسيه .. بعد ما اعتدت المتش وشفت المباراة كامله بكل راحه وهدوء وبدون عصبيه .. راح اتكلم بشكل مفصل عن المباراة .. اول لاعب ممكن تلمونه هو اربيلوا .. وضع مورينهو ووضع مدريد في موقف لايحسد عليه قبل مباراة مصيريه في نصف النهائي .. اضطر مورينهو انه يلعب بـ راموس كـ ظهير ايمن وهذا كان كارثه على الدفاع المدريدي .. راموس حقيقه كان جناح ايمن وليس ظهير ايمن .. مسّرح قدام وتارك الدفاع وتسبب في الخطوره على الدفاع المدريدي .. نلوم مورينهو بشكل كبير .. تشكيل خاطئ توظيف خاطئ .. مودريتش مدري كيف كان يلعب امس .. وين موقعه بالأعراب ؟! وش فايدته بالمباراة ؟! وش كان يسوي بالملعب ؟! .. سامي حميره من اسوء مبارياته .. بطء غير طبيعي .. لا كنترول صح ولا تمريرت صح ولا تمركز صح .. فايدتة الوحيده فـ الملعب انه يضغط ع لاعبين الخصم .. وفي هالمباراة مانبيه يضغط نبي استلام وتسليم صح وبدون اخطاء .. بيبي!! اعتقد الشباب كفو ووفو في انتقاده .. بس ابي اوضح ان مورينهو كان كارثه في اختيار هاللاعب .. بيبي واضح انه من عودته من الاصابه وهو زفت ونكباته كثير .. وكان الأمر واضح من مباراة غلطه سراي ان بيبي وفاران مايصلحون مع بعض ..تجي تلعبه في هالمباراة ليش ؟! .. بعدين ليه ما تحافظ على انسجام قلوب الدفاع ( راموس , فاران ) اللي مقدمين شغل كبير في هالمنطقه وانسجام واضح بينهم .. اذا اكنت مضطر تلعب بـ راموس ظهير ايمن على الاقل لعب البيول او كارفالهو افضل من بيبي المعتوه .. مع اني اشوف مورينهو لو حافظ على راموس وفاران كـ قلوب دفاع ولعب بـ بيبي بالظهير الايمن كان ممكن يكون افضل خصوصاً في العمق شفنا ليفاندوسكي تسردحي تمردحي و 3 انفردات واهداف بكل سهوله .. اشوفها اخطاء مدافع وليس براعة مهاجم .. فاران كان بحاجه لراموس .. بيبي كان كارثه بختصار .. ما الوم فاران صراحه واعتبره قدم مباراة جيده .. اوزيل!! ما اقدر انتقده .. لأني اشوف مورينهو هو السبب .. اخطئ بتحويله لليمين واخطئ بتوظيفه .. اوزيل كان مبدع في مركز صناعة اللعب .. عندك لاعب يلعب فـ الطرف افضل من اوزيل اللي هو دي ماريا .. اركن الحلاق في الدكه والعب بـ دي ماريا اذا كنت تبي مودريتش غصب .. سالفة المهاجم ما ودي اخوض فيها .. لأن العالم اجمع ان الفريق بحاجه لمهاجم فتاك .. الثنائي المرح ماعاد ينفعون .. الونسو .. من يشوفه امس كان تائه ما يدري وش يسوي يلحق الكوره وكانه يلعب بالحواري بالذات بعد ماتقدمو بـ الثلاثيه .. وتسببه بـ البلنتي خير دليل على كلامي .. الكوره كانت صعبه على المهاجم وماكان محتاج هالتدخل عشان يخلص الكوره .. طبعاً كل هالكلام يتحمل مورينهو بالمقام الاول وقبل اي لاعب .. ريال مدريد = مساحات .. مافيه مساحات مافيه مدريد < معلوم صديق مورينهو هو المسؤول عن اختيارته .. وبعد ماشفت المباراة احمله 90% من الخساره .. نقطه سوداء بتاريخ مورينهو واعتقد انها اسوء مباراة له في تاريخه .. مورينهو فك لنا عقدة دور الـ 16 .. وجاب لنا عقدة دور الـ 4 .. .. ما انكر ان مورينهو جاب العيد في هالمباراة لكن ما اتمنى خروجه ابداً .. اول شيء من هو البديل ؟! .. الوحيد اللي ممكن اتقبله هو ابو شنب ديل بوسكي .. اول شيء اسباني ويعرف يتعامل مع الصحف الاسبانيه ومع النجوم الاسبان .. ثاني شيء مدرب ماهو سيء .. صحيح انه مش افضل من مورينهو بس يبقى الخيار الافضل .. غير كذا اتمنى بقاء الاونلي ون .. .. معلومه / بيبي اخرجنا في موسم 2010-2011 بعد ما انطرد امام البارسا - بيبي اخرجنا في موسم 2011-2012 بعد ماتسبب في بلنتي غبي لـ قوميز فـ البرنابيو .. بيبي يخرجنا في موسم 2012-2013 بتسببه في 3 اهداف .. .. اربيلوا طالع بتصريح يقول فيه : ركبنا معاً وسنموت معاً بنشوفه بالبرنابيو ظهير ايمن وراح تنحل المشكله الدفاعيه بعودة اربيلوا لمكانه .. كلي امل وثقه في مورينهو واللاعبين في العوده من الباب الكبير .. .. على طاري الاحلام .. حلمت اننا فزنا 3-1 .. ترا ماكملت المباراة صحيت والدقيقه 76 .. المهم اني صحيت والمباراة ما انتهت .. شكلهم جابو هدف .. مباراة الاتلتي اقوى سيفون .. بالعافيه عليهم الوصافه .. .. الرد كاتبه من يوم الخميس .. بس ماحصلت وقت عشان انزله .. موفقين

ههههههههههههههههههههههههههههههههههههههه مت ضحك على حلمك
والله كل كلمه قلتها عيييييييييين الصواب صراحه
من مباراة الاربعاء الكارثيه توني اشوف تعليق قال كل اللي بمخي


صراحه بروسيا عارفين للريال حييييييييييييييييييييل
مثل ماقلت مافي مساحات مافي ريال

تعليق وتحليل جزل صراحه

الف شكر حبيبي