15/04/2013, 10:15 PM
|
 | زعيــم متألــق | | تاريخ التسجيل: 17/05/2012 المكان: Riyadh
مشاركات: 1,094
| |
 | إقتباس |  | | | | | | | | | |
الخيار الأول :
بيع أوزيل دي ماريا واستقطاب غارث بيل + آخر مبدع في الوسط على شرط يلعب بكلتى قدميه والقدم الرئيسية عنده اليمنى ( أكتشفت أن الفريق اللي عنده غالبية لاعبيه يلعبون بالقدم اليسرى هذا فريق أعرج مو قادر يلعب صح مو قادر يصنع فرص الهلال والريـال أقرب مثال ) .
الخيار الثاني :
في حالة عدم رغبة كريس في الاستمرار الأبقاء على الثنائي أعلاه وجلب غارث بيل + آخر مبدع نفس الشرط الأول .
الخيار الثالث : الأبقاء على الجميع مع تدعيم خط الوسط بلاعب فلته بمعنى الكلمة ، علة الريـال ليست هجومية بقد ماهي بصناعة اللعب ومفاتيح اللعب .
قد يستغرب البعض من الفكرة التي تبدو مجنونة لكن ربما عذرني بسبب ان دي ماريا وأوزيل يبدعون في مباراة ويختفون في أكثر من مباراة ولا يمكن تراهن على مستوياتهم في أوقات الشده والمباريات الصعبة . | |  | |  | |
كل كلامك خيالي ومن وحي الخيال ومستحيل يصير .. هبوط مستوى لاعب لا يعني انك تفرط فيه .. اوزيل بـ الأرقام هو افضل صانع لعب بالعالم .. يصنع حوالي 70 هدف في 3 مواسم وتبي تستغني عنه ؟! .. يقدملك مباراة سيئه وفجأه يظهر لك بـ اسيست خورافي .. دي ماريا نفس الكلام .. لا يالغالي نقدر نراهن على مستوياتهم .. اوزيل يصنع هدف في اخر 5 مباريات في الكامب نو وتقولي مايظهر بالمباريات الصعبه .. دي ماريا قدم شغل تكتيك رهيب في مباراة اياب الكاس مع البرشا لا يمكن لأي لاعب انه يأدي مثله .. لاعب تكتيكي من الدرجه الأولى يحرث الملعب حرث يدافع ويهاجم بنفس القوه مستحيل لاعب يأدي مثله مهما كان وتبي تستغني عنه ؟! .. فريقنا اشول ؟!  .. عطني لاعب يلعب بالقدم اليسرى غير اوزيل ودي ماريا .. خضيره - الونسو - رونالدو - هيغوين كلهم يلعبون بالقدم اليمنى ! .. طيب بيل يلعب باليسرى وما يستعمل قدمه اليمنى ابداً ؟! .. كذا بتكثر من اللاعبين الأيسرين بالفريق وانت ماتبي لاعبين ايسرين .. تبي اثبت لك ان كلامك من وحي الخيال ؟! .. تقول جيبو غاريث بيل + اخر مبدع في الوسط على شرط يلعب بكلتى قدميه والقدم الرئيسية عنده اليمنى .. طيب من هو اللاعب الثاني ومن وين بالتجيب لاعب بـ المواصفات هاذي ؟! وكم سعره ؟! .. هاذا شيء خيالي .. فريقنا الحالي جداً ممتاز فقط ينقصه لاعب او لاعبين بالكثير .. مهاجم فتاك + عودة كارفخال .. في حال رحيل وفي حال رحيل كل هاذا انساه بيريز ماهو غبي عشان يستغني عن لاعب مثل رونالدو او لاعب مثل الونسو .. اوزيل قريب راح يجدد عقده ودي ماريا جدد وخلص  .. عندك دكة بدلأ قويه جداً .. افضل دكة بدلا بـ أوروبا .. مودريتش اللي كل اندية اوروبا كانت تتسابق عليه والحين هو مع الريال وبـ الدكه !
بالنسبه لـ ديغو .. ريال مدريد ثم فياريال ثم اشبيلية ثم ريال مدريد
 |
