أول شي أخي الكريم المرشدي طوله 182 .. وتقدر ترجع للموقع الرسمي للهلال أو أي موقع رياضي ..

ثاني شي المدافع لابد أن يكون له هفوات .. زيه زي المهاجم اللي يضيع فرص .. ولكن اللاعب بشكل عام تقدر تقول ممتاز لأنه أقل أخطاء أو أقل تضييع فرص ..

بالنسبة للمقارنة .. ما أدري على أي أساس تقارن المرشدي بالمولد أو بأي مدافع ثاني !! ..

صدقني المسلم الاحتياطي افضل من المرشدي ولو رجعت لمستوى المسلم قبل يجي للهلال مباشرة بتلقاه متألق وهداف وقتالي ..

المرشدي قد يقول قائل أمره بيد المدرب ولو كان مو كويس مالعبه .. لكن تتوقع جمهور الكورة اللي سنين يتابع كورة مايفهم أبجديات وأساسيات كرة القدم لدرجة إنه مايقوى يحكم على لاعب سنين يلعب في النادي واخطاءه جدا قاتلة !! ..

يمكن لو إنه لاعب جديد نقول استبقنا الحكم عليه واستعجلنا عليه .. ما انسجم .. ما تأقلم .. وغيره من الأمور ..

بس فاقد الشيء لا يعطيه أخي الكريم .. المرشدي لاعب وجوده في خط الدفاع كارثة وجريمة بحق كرة القدم ..

والله أقول الكلام ولا أحمل للمرشدي ذرة حقد .. ولا بيني وبينه شيء شخصي لدرجة اني بلاحقه حتى بالمنتدى واكتب عنه .. !


نرجع للمولد ..

لاعب رأسياته جدا قوية .. مميز في الالتحامات الهوائية .. سواءا دفاعيا او حتى هجومية .. لاعب في حالة الخسارة تلقاه في المناطق الهجومية تأثيره قوي جدا .. عنده اصرار عجيب على تسجيل الهدف حتى وهو مدافع .. وشفناه في الاتحاد يسجل كثير ..

يعيب المولد البطيء .. ولكن كثير من اللاعبين العالميين في خط الدفاع وخاصة اللي عنده قوة جسمانية يكون عندهم بطيء .. ولكن تمركزهم ممتاز وقراءتهم للكور مميزة ..

المولد تستفيد منه بالكور الثابتة اللي مالها متخصص عندنا .. تستفيد منه بالركنيات اللي لك واللي ضدك .. تستفيد منه قتاليته وثقته بنفسه .. وبالأخير تستفيد انه يكون عندك خط دفاعي اساسي واحتياط ..


الجمهور صار يفرح ويطرب لما تعدي مباراة مايكون للمرشدي بصمة فيها .. لدرجة ان الجميع ينزل مواضيع ويكتب ردود ..

لو كان تميز المرشدي طبيعي ماشفت كثير من المواضيع عنه من نوعية (( شفتوا انكم غلطانين ..))


من بعد النعيمة .. ليتانا .. أشرف قاسم .. الشريدة .. أحمد خليل .. وحتى الله يذكره بالخير فهد المفرج .. مايمر جيل بدون مايكون فيه صخرة دفاعية .. صرنا على المرشدي !