إقتباس الرسالة الأصلية كتبت بواسطة يا بعد الدنيا اخوي رئيس الريال قرب ينتهي من فترة الرئاسة و الريال في اخر فترة رئاسية يجب على المرشحين تقديم المشاريع الخاصة بهم للفريق لمدة رئاسية جديده و اعتقد ان هذه الاسماء لن تكون عائق لأي مرشح لريال مدريد بالأضافة الى امكانية بيع بعض اللاعبين ( بنزيما - كاكا - هيقواين - موراتا ) الي ممكن ان يجمعوا على الاقل 90 الى 100 مليون و بهذا المبلغ نزيده 100 و بكذا يكون عندنا 200 مليون للتعاقدات الجديده و كل الاسماء المذكوره تستطيع جلبها و بالنسبة للمشاكل في تراكم لاعبي السوبر اعتقد ان جميع اللاعبين يدركون انهم يمثلون افضل و اكبر نادي في اوروبا و لابد المنافسة الشديدة على المراكز لحجز مقعد اساسي بالنسبه لشاهين ارى ان الريال اكبر من هذا اللاعب وهذي وجهة نظر شخصية قد نختلف فيها لكن الواقع يقول ان اللاعب لم يستطع ان يفرض نفسة سواء بالريال او الليفر الي توقعنا ان يكون فيه اساسي و خاب ضننا باللاعب و عاد الى نادية الاصلي و الان لا يلعب اساسي ايضاً و اقويرو لاعب جيد لكن سواريز افضل منه من ناحية السرعة و المهارة و كذلك التهديف و الارقام تشهد على ذلك

هلا اخوي ،، انا رايي من رأي اخوي Rebal ،، بس ابضيف كم نقطة وابعقب على اللي حددته

اذا على الترشيحات ،، لو جاب (كارفخال-سيلفا-اقويرو) فمن رايي انها كافيه وكفيلة في انها تخليه يمسك الرئاسة من جديد

كاكا - بنزيما - هيقوين - موراتا مستحييييل يجيبون لك 100 مليون ،، قلة مشاركة كاكا + هبوط مستوى هيقوين وبنزيما + صغر سن وقلة الخبرة لموراتا ما تجيب لك شي ،، كاكا اذا جاب لنا 25 فهذي نعمه اعتبرها ،، كبير بالسن ومشاركته قليلة ف ما اتوقع انه فيه نادي ممكن يدفع عليه مبلغ كبير. من بينهم كلهم بنزيما يمكن يكون اعلاهم قيمة في حالة وحدة ،، اذا باريس سان جيرمان يبونه ،، وحتى لو يبونه ما اتوقع بيدفعون عليه اكثر من 35 لانها حرام عليه

تراكم النجوم بيخلق لك مشاااكل كثيره ،، الفريق اهم شي يوصله هو الانسجام ،، وماراح يقدرون ينسجمون في ظل انك كل مباراة بتلعب لك لاعب ،، بغض النظر مين يرضى بالدكه ومين ما يرضى فيها ،، انت اذا حطيت لاعب بالدكه وهو متعود انه يلعب اساسي بفريقه القديم هذا بينزل مستواه ،، واذا تبي تشوف اقرب واقع لكلامي شف البرسا ،، شف سونق وشف فابري و حتى سانشيز اللي مستواه مره فوق ومره تحت ،، كلهم كانو اساسين وشايلين فريق بكبره لحالهم.

بخصوص شاهين ،، انا مع احترامي لوجهة نظرك بس اللاعب يستاهل يلعب مع فريق بمستوى الريال ،، فيه بعض المرات لاعبين تخونهم الضروف ،، وهذا اللي صار لشاهين مع الريال ،، اما بالنسبة للي صار له مع الليفر ف هذا موضوع ثاااااني ،، هو يوم راح لليفر مدربهم (ناسي اسمه) كان يلعبه بغير مركزه ،، يلعبه خلف المهاجم او مهاجم في بعض المرات ،، حتى هو بنفسه قالها ،، انه كان يطالب المدرب في انه يرجعه لمركزه الاساسي اللي تعود يلعب فيه.

بالنسبة لاقويرو انا ما قلت اني ابيه هو بالذات لو علي ابختار سواريز ،، بس قصدي ان هو المتاح او افضل المتاحين حاليا ،، لو ترجع لردي اللي قبل بتشوف ليه قلت اقويرو ،، كلهم مهاجمين كبار مافيه احد يختلف عليهم ،، وكل الاندية تتمناهم ،، بس مين اللي تقدر تجيبه من بينهم ؟ او حتى مين اللي تحتاجة اكثر ؟ هذا كله مايعرف جوابها الا مدرب الفريق سواء كمل المو او مشى ،، المدرب هو اللي يختار بينهم على اساس طريقة لعبه وتكتيكة

فيه عندي تعقيب بسيط لكلام اخوي Reabal ،، الريال او اي فريق يحتاج ل لاعب بقيمة سيلفا ،، بما ان الريال يدرس فكرة التعاقد مع ايسكو ،، طيب ليه ما يجيب سيلفا بدل ايسكو ؟ كلهم مهاريين ونفس طريقة اللعب تقريبا ،، بس اللي يميز سيلفا هو عامل الخبره ،، وصدقني لو جا ماراح يجلس كثير بالدكه لسببين ،، الاول اوزيل مثل ماشفنا المواسم ال 3 اللي لعب فيها للريال لياقيا جدااا تعبان ،، مايقدر يعطيك موسم كامل ،، والسبب الثاني هو ان سيلفا ممكن يلعب بدل دي ماريا ،، او اوزيل ينتقل للجناح وسيلفا يلعب مكان اوزيل ،، يعني عشان اوضح كلامي اكثر (اوزيل - سيلفا - دي ماريا) تقدر تلعب فيهم لعب ،، تحطهم وين ماودك ووين ماتحتاجهم فيه.