إقتباس الرسالة الأصلية كتبت بواسطة يا بعد الدنيا صراحة الريال بهذا التشكيل لن يقدم شيئ العناصر الي ذكرتها ( سولدادو - نقريدو ) مخيسين ماتا و سيلفا هم الي ممكن تتحسف على بيعهم لأنهم متألقين في دوريات خارجية الريال يحتاج الى لاعب يدعم رونالدو بالهجوم نريد لاعب بنفس امكانياته بالطرف الاخر دي ماريا سيئ جداً ولا يقدم ما يريده مورينهو لذلك اتوقع راح يطلع من الفريق او يجي مكانه لاعب افضل ايسيان راح يعود الى تشلسي بنهاية الموسم لذلك مركز المحور لن يكون فيه اي مشكله بتواجد ( الونسو - خضيره - مودريتش - كاسميرو ) المشكلة الاكبر هي التعاقد مع الولزي قاريث بيل مكان دي ماريا هذا هو المطلب الاكبر و بعدها عودة سيلفا ليكون مكان كاكا و التحدي الاكبر للأدارة هي التعاقد مع مهاجمين جديدين و اتمنى ( كافاني - سواريز ) امكانياتهم جبارة و يمتلكون صفات مختلفة تجعل مدى الاستفادة منهم اكبر سواريز الى الان مسجل 22 هدف و هو هداف الدوري الانجليزي و كافاني هداف الدوري الايطالي الى الان ب 20 هدف و الدوري الايطالي و الانجليزي لا يقارن مستوى الدوري الاسباني على مستوى التنظيم الدفاعي برأي الريال لابد ان يكون بهذه التشكيلة الموسم القادم بالعادة مورينهو يعتمد على 23 لاعب لكن ممكن يزيد لاعبين للاحتياط واحد للدفاع و واحد للوسط و بالنسبة لمورينهو يقدر يلعب بالتشكيل زي ما يبغى بهذه العناصر ممكن يلعب 4-4-2 و 4-5-1 و 4-3-3 و 3-5-2 لأنه يمتلك لاعبين وسط هجومي متعددي المراكز

التشكيلة اللي ذكرتها ممتازه وقويييية ،،، بس صعبه جدااااااا انك تجيب ( سواريز - كافاني - سيلفا - بيل ) لسببين

-السبب الاول هو ان كل لاعب من اللي ذكرتهم مستحيل تقل قيمته عن 35-40 مليون ،، لو قلنا ان كل واحد قيمته 35 مليون ،، يعني بتدفع اقل شي 140 مليون (طبعا هذا وانا مقلل من قيمتهم)

-السبب الثاني هو وجود فريقين عندك (اساسي-احتياط) وكلهم تقريبا سوبر ستارز بيخلق لك مشاكل كثيره انت في غنى عنها ،، يعني اذا بتلعب سواريز صعععبه انك تحط كافاني بالاحتياط ،، اذا بتلعب اوزيل وش بتسوي في سيلفا ؟ اذا بتلعب كريس معناها بيل احتياطي لان صعبه بيل يلعب يمين مكان دي ماريا ،، وبنفس الوقت تعتبر من سابع المستحيلات ان كريس يكون احتياطي

انا بصراحة استبعد قدوم 3 لاعبين (كافاني - سواريز - فالكاو) ،، لان رئيس نادي نابولي في اخر تصريح له "مو متاكد من مصداقيته" كان يقول ان نابولي يقدر يكمل على نفس العطاء بدون كافاني ، وانا اتوقع ان كافاني ماراح يستمر الموسم المقبل نظرا للاغراءات اللي تجيه من بعض الانديه ، وانا اعرف ان مافيه الا ناديين قادرين على شرائه ،، ف من تصريحه واااضحة مين يقصد ،، باريس سان جيرمان او المان سيتي ،، والريال بصراحة صعبه ينافسهم ،، واما بالنسبة لسواريز فانا اضمن لك نسبة 99٪ انه بيطلع من الليفر في حاله وحده ،، اذا الليفر ما تاهل لدوري الابطال ف سواريز بيكون اول المغادريين ،، واتوقع وجهته لبايرن نظرا لان بيب حاط عينه عليه. وبخصوص فالكاو ف مثل ما الكل عارف الحساسية اللي بين ادارة الريال والاتلتيك ،، صعععععبه يبيعونه للريال ،، و لو صارت ف اكيد انها بتكون صفقه كبييييييره جدددداااا وما راح تقل عن 60 مليون.

على كذا تقريبا اللي باقي لك هو اقويرو ،، وهو اللي اقربهم للريال بسبب رغبة اللاعب وبسبب ان بيريز يبيه باي ثمن. وفي قدوم اقويرو ف انت ماعندك مشكله انك تخلي هيقوين احتياطي ،، واتوقع انه بيكون راضي

اتفق معك في سيلفا ،، لان في حالة انخفاض مستوى دي ماريا ممكن اوزيل يغطي مكانه ويلعب سيلفا مكان اوزيل

بس اشوف في تشكيلتك حاط خضيرة بديل ل الونسو ،، هذي لو صارت بتكون كارثه ،، خضيرة محور متقدم وماله في صناعة اللعب او التوزيع ،، يعني مستحيييييل يقدر يقدم ولا حتى 1 ٪ من اللي يقدمه الونسو ،، اللي ممكن يلعب بطريقة الونسو هو اللاعب المعار ( شاهين ) ،، كثير ما اقتنعو فيه ،، وقد تكلمت عن اللاعب هذا كثير ،، بس عشان ما اطول بالكلام باختصار هو عانى من اصابه ورجعته من الاصابه كانت بوقت حساس،، ف صعبه انه يشارك في مباريات مهمه ،، ف قلة مشاركته نزلت من مستواه. حاله من حال مودريتش ،، اول ما جا مودريتش كنا نبي نشوف منه اكثر من اللي كان يقدمه ،، مع الوقت تاقلم وصار يقدم مستويات عالييه جدا. فلو رجع شاهين،، وصبرنا عليه ،، صدقني بيكون بديل ممتااااااز ل الونسو

ايسيان قدم مستوى كبير مع الريال هذي السنه ،، صحيح انه معار ،، وممكن يرجع ل تشيلسي الموسم القادم ،، بس ما اتوقع ان تشيلسي يحتاجه ،، وسط تشيلسي حاليا قوي و فيه اكثر من لاعب يعوض ايسيان ،، الريال ما راح يخسر شي لو ضم اللاعب ،، حتى لو ما شارك كثير بس يكون فيه لاعب جاهز في الاوقات الحرجه (اصابات او غيرها) ،، مثل كارفا هذا الموسم ،، في بدايته كان مايدخل التشكيلة خير شر ،، ولا بالاحتياط تلقاه ،، بس جا وقت احتجنا لخدماته

انا من رايي هذي افضل تشكيلة ممكنه للريال

كاسياس (لوبيز)

مارسيلو ( كوانتيراو) - بيبي (فاران) - راموس - كارفخال (اربيلوا)

الونسو ( شاهين) - مودريتش ( خضيرة - ايسيان )

كريس - اوزيل (سيلفا) - دي ماريا ( كاليخون)

اقويرو (هيقوين)

بكذا يكون فريقك قادر على المنافسه في كل البطولات ،، وعلى فكره حتى كريس فيه بديل له ،، مارسيلو ،، صحيح ان بيل ممتاز ،، بس مثل ما ذكرت قبل حرام انك تجيبه وبالاخير يكون احتياطي في اغلب الموسم