هلا بفابري كلامك تاج على راسي من فوق
ولاهنت إسمك بعيداً عن الرسميات

إقتباس 1- مشكلة تشيلسي الحالية؟رغم التعاقدات من العيار الثقيل الا إنه اظهر موسم سيء ل تشيلسي هالموسم بنظرك ليش؟

ك مشكلة حقيقه إبراموفيتش وعقليته بمداورة المدربين المتكرره من موسم ل موسم ، من تركنا مورينهو ماثبتنا موسمين على بعضها بمدرب ثابت ، حتى أنشي اللي حقق نجاحه بأول مواسمه معنا بالموسم الثاني أقاله ، الإستقرار الإداري تعبنا كثير المواسم الأخيرة ومثل ماقلت السبب يعود لفكر المعزب إبراموفيتش ..

بس لو جينا وحللناها ك مشكلة ثانويه وبالتحديد هذا الموسم مع إن تعاقداتنا ناريه وأسماء لها ثقلها إلا إن أهم مركزين عندنا ماتدعمو أو ما أوجد البدائل لهم ، نتكلم عن محور دفاعي وعن مهاجم قناص ينهي لك أنصاف الفرص ، بتلاحظ ماعندنا محور حالياً غير ميكيل ، روميو وإصيب لنهايه الموسم ، إيسيان راح إعاره وميريلش وفكيناه .. ميكيل راح للبطولة الأفريقيه بنص الموسم وأكلناها دروب أسوء من الدروب اللي كنا نعاني منه قبل ، والهجوم حالتنا حاله مع الخارق توريس ، ونتكلم هنا قبل لا نتعاقد مع المسلم الخلوق ديمبا با

إقتباس 2- هل انت مع او ضد إقالة دي ماتيو وليش؟

واللي يقولك إنه مصدوم للحين من إقالته ؟ قرار إقالته نقطه سودا بتاريخ إداره تشلسي ، مدرب شاب وعاشق للكيان ، جاك بفتره صعبه وإنتشل لك الفريق فيها بأسماء متواضعه جداً وجاب لك بطولتك المستعصيه اللي ماجابها لك مدربين لهم صولاتهم وجولاتهم ف البطوله ، أتوقع مايستاهل إنك تكرمه بالموسم اللي بعده وفي بدايته بالإقاله ، بوجهه نظري لو ماتيو مازال معنا الأن كان حالنا أفضل بكثير مما حنا عليه .. صحيح خسرنا معه السوبر ، خسرنا الدرع ، تذبذب مستويات في مجموعه الأبطال ، بس برضو ماتوصل إنك تقيله ، قلنا فرصه ماتيو للشتويه ، دعمو له الفريق بشكل أكبر بمهاجم ومحور وبعدها نحكم عليه .. موسم يروح ماعندك مشكله ، بس بالأخير راح يعطيك لمحات ل موسم قادم مبشر للفريق أو لا ، مثل الحال ماهو مع ليفربول .. أعيد قرار إقالة ماتيو صدمه ونقطه سودا بتاريخ إدارتنا ..

إقتباس 3- اكثر لاعب تشوفه مظلوم ( مش لازم يكون تشيلساوي )؟

شنايدر ، وكاكا مدريد
ولا يهون تشيك ..

إقتباس 4- كلنا عارفين قيمة رافا واللي سواه مع فالنسيا وليفربول ،، بصراحة تشوف المشكلة منه او الاجواء ماساعدته؟

فصلت ها النقطه بسؤال المزه مدريدي عن وضعية رافا ، رافا لا يلام ، والأجواء أكيد ماساعدته ، وطبيعياً ماراح نشوف نجاحات بظروف تشلسي الحاليه .. ممكن يعطينا إنطباع أكبر الموسم الجاي بس ماضنيت إنه بيكمل معنا .. وهذا المتوقع ..

شكراً ل طلتك ،

أبو حسن لأنك فخم نروق لك بكره
ولا أحد يستحي إسئلو