قبل لا أبدا ،

لوفر إنتر فورزا يوفي ويل ستار فالديفيا
وصفتموني بما لا أستحق شكراً لكم من القلب على كلامكم الجميل

إقتباس استضافه ممتعه ..

الممتع حضورك ، نورت الموضوع

إقتباس وش هالزين وش هالعضو الجميل المهم ناوي أسالك بعض الأسالة وتحملها

هلا والله بالمدريدي هلا والله باللي داخل بكل حماس خخخخخخ إذا ما إستحملتك أستحمل مين ؟

إقتباس 1 - أول ما وقع البلوز مع الشقراء , بـ صراحة هل كنت واثق فيه رغم هبوط مستواه وإذا كان جوابك إيه , متى توقفت ثقتك فيه ؟

تمام الثقه ، لأنه زي ماحنا عارفين جاينا ومستواه نازل كثير بعد الإصابه ، حتى قبل لا ينتقل لنا كان مستواه سيئ بإستثناء مباراتنا معهم اللي إستلج فيها وسجل هدفين وقعنا معاه في أخر يوم بالشتويه مع لويز ، كان وقتها أنشي مدربنا ، الفتره قلنا مستحيل نحكم عليه بحكم رجعته من الإصابه وتدني مستواه ، إنتهى الموسم وجا اللي بعده مع بواش .. قلنا يالله هذه فرصه النينو يرجع ويثبت مستواه ويتنافس مع ديديه بس الأخير أكل الجو عليه وبواش كان يفضله عليه بأكثر المباريات ، حتى طلع كلام إن سبب إقاله بواش هو ركنه للنينو بالدكه ، جا ماتيو بوقت كان صعب عالتشلساويه وكلنا عارفين ذا الشي ومن الأشياء اللي عدلها ماتيو هي ثباته على تشكيله وحده وأسماء أساسيه .. يعني بإختصار ماتيو إشتغل على روح الفريق ، تيري ، لامبس ، دروقبا ، تشيك وكان النينو خارج المجموعه .. جبنا التشامب بنهايه الموسم والنينو سجل قدام البرشا ووقتها قلت توريس بها الهدف حلل كل جنيه إسترليني إندفع فيه ونسيت كل العك اللي قدمه لنا بنفس الموسم ، بنفس فتره توهجنا بفرحة الأبطال طلع وصرح قال أنا مب مرتاح وتشلسي مايعتمد علي وأبي أكون نجم الفريق الأول ومن ها الكلام ، قاله إبرا أبشر ماطلبت شي وكرش دروقبا بحكم إنه بيجدد دماء الفريق وإنه حاط حد ال 30 كعمر معين للفريق .. بدينا ها الموسم مع ماتيو وللأسف خذله وخذلنا معه ، وبنظري ما أحمل ماتيو أي شي تسبب فيه للفريق .. لأن الاعب إنتهى فنياً ومعنوياً وثقتياً ومن لحظتها الصبر بدا ينفذ ، إن ماخابني ظني هدفه قبل يومين بالدوري الأوروبي كان أول هدف له ب 2013 ، وماتبي صبرنا ينفذ خخخخخ

إقتباس 2 - لاعب لم تُنصفه الجماهير التشيلساوية ؟

أول ماقريت السؤال جا بذهني لاعب واحد على طول ، وهو الاعب الأطخم الموجود بصورتي الشخصيه .. ميكيل بنظري لاعب ما أنصفته جماهيرنا وأجهل السبب ، يعني عادي جداً تشوفهم يمجدون فيه مباراه ويجونك بعدها 20 مباراه تسفيل فيه مع إنه مايكون بذاك السوء اللي نشوف فيه لاعبين غيره > مايقصد توريس

إقتباس 3 - أكثر إنسان رياضي ودك تصفقه بـ زبيريه ؟ رغم أني عارف الجواب بس نبي نتأكد زيادة

دامك عارف الجواب ليه تسأل ؟ تبي الصدق أنا نسيته خخخخخ
كثير اللي ودي أصفقهم ، هيقواين واحد منهم ولا يهون إبراموفيتش معزبنا

إقتباس 4 - هل رافا جاي يَدمر البلوز ولا يُنقذ ما يُمكن إنقاذه هذا الموسم ؟

والله صعب إنك تحكم بها الشي أو ذا الشي ، إبرا كعادته لعب لعبته وكرش ماتيو .. بفتره أشوفها حساسه جداً إنك تغير مدربك .. يعني أنت جايب معه الأبطال بفريق شبه منتهي ، بدا الموسم جبتله فريق ثاني تماماً وكان ناقصه تعزيز بكم خانه .. مسك صداره الدوري وأموره تمام وفجأه دروب ف المستوى طبيعي لأي فريق يحصل له ها الدروب ، حس إن الأبطال بيطير قام طيره وناظر بالأوراق المتاحه عنده على مايقولون أحلاهم مر ، رافا البعيد عن التدريب لسنتين وبعيد عن أجواء البريمر ، بغض النظر عن مايكنه جمهورنا عليه من تصريحات وما إلى ذلك ، الرجال ماتقدر تلومه على أي شي ممكن يصير فالموسم ، ناخذها كمثال واحد ماعمره ساق سياره صعبه تقوله يالله هذه مفاتيح سياره شغلها ورح دور فيها وإطلع للطريق السريع ! صعبه جداً ، وزين منه إذا شغل السياره .. هذا حال رافا ، جايبه بنص موسم وتبيه يلحقلك الأبطال وكأس العالم ويرجع ينافس بالدوري ووو .. بالعوامل اللي نظرنا فيها ببدايه الموسم صعبه جداً على مدرب تجيبه بظروف زي كذا وتقوله يالله إنقذ موسمي حتى لو كان مورينهو بكبره .. ماكذب يوم قال مسميني مدرب مؤقت للفريق وتبوني أشتغل وأنا مرتاح ، طبيعي بيواجه ضغوطات .. وفوق كذا جمهورنا زاد الطين بله

إقتباس 5 - نجي للأساله اللي برا الرياضه , هل خالد إنسان يحب يطقطق على خلق الله ولا إنسان طيب ؟

هيك وهيك ، لكن أحيان الطقطقه تغلب الطيبه خخخخ

إقتباس 6 - خالد سَبق وأن صَرح بـ تويتر أنه تَرك البلاك بيري ما هو السبب ؟

تقدر تقول وصلت لمرحله التشبع منه وأنا من النوع اللي أكرف الجوال كرف ، ماني من طقة كل مانزلو جهاز جديد راح وإشتراه كان معي الحب بلاكبيري كيرف بعزه وجلس معي للإجازه الأخيره اللي كانت مابين الفصلين .. ف من باب التغيير حولنا ل عالم الجالكسي ، وما أخفيك إني حنيت له حالياً ، بس لازلت أقول ماجات وقت رجعته

إقتباس 7 - هل أنت إنسان رومانسي ؟

جداً ، تبي تتأكد ؟
ظلل هنا تقلع بس قال رومنسي قال

إقتباس 8 - هل خالد إنسان دافور ؟

مقطعتني الدفاره ، مع إن اللي يشوفني يقول ذا دجه ماعنده شي
بس وقت مانحتاج للمخ المصري ، بتحصلني موجود

إقتباس 9 - كم عدد أهداف لامبارد إلى الآن ؟ أعذرنا على السؤال الشاطح بس نسيت الرقم ومتعيجز أدور عليه

199 وعلى بعد 4 أهداف ل يصبح الهداف الأول بتاريخ تشلسي
تقدر تشيك عليها هنا ، التقرير قبل لا يسجل أخر 5 أهداف

FRANK LAMPARD 194 CHELSEA GOALS | News Article | News | Official Site | Chelsea Football Club

وشاكر لك حضورك وأسئلتك ، فتك ي المدريدي بالعافيه
لي باك لأسئلة البقيه