الي قدمه الفريق اليوم شيء لا يصدق أبداً خصوصا في ظل ظروف الفريق الحالية
والله ما كنت أتوقع بنتأهل ولا بنسبة 1% حتى كنت ناوي أسحب على المباراة
بس أشوى إني شفنتها ولا كان بنهبل
أفضل مبارتين شفتها لبرشلونه هذي المباراة ومباراة الخمسة صفر مع الريال .. بس هذي المباراة غير الفريق بدون مدرب وخسران 2-0 في الذهاب وميلان متكتل دفاعيا و الفريق نفسيا وفنيا متدهور .. ثم يقدم هالمستوا الخرافي!!!!
من بداية المباراة حسيت بشي غريب الفريق فيه روح فيه قتالية من الجميع .. سرعة في تناقل الكره .. ضغط رهيب على الخصم .. ذكرتنا بالزمن الجميل
ثم خمس دقايق ويجي الهدف الأسطوري من ميسي تعليقه بنت 66 كلب .. أسكتت كل ميلاني مزعج أهلنا ميسي ما يسجل على ميلان الا من بلنتي ..
ثم استمرت المباراة الحلم بسيناريو ولا أروع ثاني من ميسي ثم ثالث من فيا ثم رابع من ألبا - مع ان كورة ميلان الي في العارضه بغت تجيب أجلنا لكن ربك ستر -.. والله حتى مع الهدف الثالث كنت متوقع يدخل فينا هدف ويتبخر كل شي خصوصا مع الدفاع الشوارع لكن أشوا مع قتالية اللاعبين تفوقوا على انفسهم ورقعوا وضع الدفاع المتدهور
الفريق بشكل عام اليوم كان قمة في الأداء والقتالية باستثناء بيدرو الي كان سيء وتمنيته يطلع من بدري وينزل بداله سانشيز، حتى فيا مدري وش جاه كان مستواه جدا غريب لكنه عدل كل شيء بهدفه الي تحس الكورة طالعه من رجل هداف بالفطره
لكن فيه لاعبين كانوا حاجه استثنائية في المباراة
ميسي & انييستا
شيء لا يصدق .. من جد ما تدري وش تقول عنهم!!
ألفيس برضه أعجبني كثير اليوم وقدم واحده من أفضل مبارياته مع برشلونه
أتمنى الفريق يستمر بهالروح والقتالية من يدري يمكن نخطف الأبطال