05/03/2013, 06:15 PM
|
 | زعيــم متألــق | | تاريخ التسجيل: 17/05/2012 المكان: Riyadh
مشاركات: 1,094
| |
- 
- مآهي مفآتيح آلفوز لـ آلريآل . . وكيف تتوقع آن تبدأ آلمبآرآه ؟!
اول شي الكرات المرتده مع اني ما اتوقع يترك لنا الشايب مساحات في الخلف .. والدليل تصريحه [ فيرغسون : ريآل مدريد في الكآمب نو جعلوني أعرف كيف أستطيع موآجهتهم ]
اكيد السير ماهو معطي مساحات مثل ماسوا البرسا .. اتمنى اذا قفل السير .. يشتغل دي ماريا ورونالدوو تسديدات .. اوالركنيات والكرات العرضيه .. والفاولات .. خصوصاً انه عندك عدة لاعبين يجيدون الكرات الرأسيه .. في البرنابيو جاتنا عشررات الركنيات وماستفدنا منهن شي .. مفاتيح الفوز .. الونسو - دي ماريا - رونالدو - اوزيل .. اتمنى يكونن بيومهم ..
- آيهمآ تفضل مشآركة بنزيمآ آم هيغوين ولمآذآ ؟!
بصراحه ماتفرق عندي .. كلهم سيئين .. بس اتوقع مورينهو راح يشرك هيغوين .. لأنه جيد بفتح المساحات والتمركز .. ولكنه بـ تخليص الهجمه 0 ع الشمال .. بيفتح المساحات لـ الدون وبيشغل الدفاعات المانشستراويه وبيكون دوره منح الفرصه لـ رونالدو في التسجيل ..
- برأيك . . مآهي آلتشكيله آلمثآليه لـ آلريآل آمآم آلمآن ؟!
لوبيز
كونتراو - بيبي - فاران - اربيلوا
الونسو - خضيره
رونالدو - اوزيل - دي ماريا
هيغوين
طبعاً فيه ادوار تكتيكيه لـ بعض اللاعبين .. يعني ممكن نشوف رونالدو راس حربه في بعض الكرات و دي ماريا ظهير ايسر .. وخضيره جناح ايمان ايضا اوزيل جناح ايمن .. موب بشرط نشوفهم بأمكنتهم طوال المباراة .. رونالدو بمباراة الذهاب شفناه جناح ايمن وايسر وراس حربه .. ابعدت راموس مو لأن مستواه .. مستواه قريب من بيبي .. بس بيبي في المباريات الموسم هذا واغلب مباريات الموسم الماضي كان يعرف يتحكم بأعصابه ومانشوفه يتدخل تدخلات خشه او يحصل على بطاقات حمراء .. عكس الثور راموس اللي مهما يكبر يضل يزيد هبال .. مثل ماذكر احد الآخوان هنا ان راموس كاد ان يتسبب بخروجنا من الكلاسيكو الماضي بالتعادل لولا تغاضي الحكم عن ركلاة جزاء صحيحه ... وممكن اذا انتهى الشوط الاول بـ تقدمنا بهدف على الاقل ينتظر لـ الثلث ساعه الاخيره ويشرك راموس كـ قلب دفاع ويقدم بيبي لـ الأرتكاز .. ويسحب اما دي ماريا او اوزيل ..
فيه اوراق رابحه للمو في الدكه .. منها الهجوميه ومنها الدفاعي مثل مودريتش اذا تأخرنا بـ النتيجه .. او ايسيان اذا تقدمنا بالنتيجه وممكن نشوف كاكا ليش لا ..
- بصرآحه وبدون عآطفه . . هل تتوقع آلتأهل عطفاً على مستوى ريآل مدريد خلآل آلمبآريآت آلسآبقه ؟!
المباريات السابقه ما فيه بينها وبين مباراة المانيو مقارنه .. ممكن من الناحيه المعنويه .. بس كـ مستواه ما اعتقد نقدر نقاران بين مباريات الأخيره ومباراة المانيو .. عندي القليل من الخوف المصحوب بثقة عميا في المو ولاعبيه ..
- هل دييغو لوبيز عند حسن آلظن حتى آلآن . . وترى بأنه قآدر على حمآية مرمى آلريآل في مبآرآة آلمآن ؟!
في مباراة الذهاب قدم مستوى مقبول .. تقريباً يتحمل 30% من هدف ويلباك .. والباقي يتحمله راموس .. وكرة فان بيرسي اللي خلصها الونسو من على خط المرمى .. اما في مباريات الكلاسيكو قدم مستويات ممتازه .. خاض 3 كلاسيكوهات وقدم مستوى جيد .. اتمنى يكون في الفورمه ومايدخل عليه اهداف ساذججه ..  ماتقدر تعطي توقع من بيتأهل او تعطي سيناريو للمباراة .. يعني ممكن تنتهي 1-1 او 2-1 او 3-2 او 2-2 .. كل النتايج جايزه .. بس اتوقع 1-1 وتحسم بالبلنتيات لـ الريال    فاران  الدون - فاران
شي جيد ان المو درب لاعبيه على ركلات الترجيح .. واتوقع اذا وصلنا للبلنتيات راح نتأهل بأذن الله .. اتوقع السير راح يقفل واتفق مع اخوي [ يووسف ] .. وبيسوي نفس الطريقه اللي سواها في البرنابيو .. لاتوقلي شخصية الانجليز وما الى ذلك .. السير ماتهمه شخصية الفرق بقدر مايهمه التأهل ...
|
