| ^^^
سالم ما أختلف معك انه المهم في النهاية هو تحقيق الهدف وهو التأهل ، لكن كلامي انه سبق وواجهنا دفاعات قوية ومتكتلة أقوى حتى من دفاع الميلان ونجحنا في تفكيكها وصنعنا فرص حقيقية للتهديف ... انا ما اتكلم عن اضاعة الفرص لكن أقول انه الفريق بأسلوبه وطريقته قادر على مواجهة الدفاع المتكتل لكن المشكلة كانت في برود اللاعبين واستسلامهم في المباراة ... يعني الفريق أساسا ما كان في مستواه بغض النظر عن انضباط دفاع الميلان ما كان فيه جدية او تركيز من اللاعبين لإيجاد حلول لمواجهة هذا الدفاع ... أصلا من 4 أو 5 سنوات كل الفرق اللي نلعب ضدها سواء ذهاب او اياب او غيره تلعب بنفس الأسلوب الدفاعي خسرنا في بعضها ونجحنا في الكثير منها .
الفريق بحاجة إلى مهاجم صريح قلناها منذ نهاية الموسم الماضي والخسارة من تشيلسي انه الفريق بحاجة في بعض المباريات الى تغيير الخطة او Plan B بوجود قلب هجوم احتياطي تستفيد منه في الكرات العرضية والعالية بالذات ، لكن ترى بمهاجمينا الحاليين قادرين على ارباك اي دفاع لو كان فيه لا مركزية او تبادل في الأدوار بين اللاعبين ، لكن مشكلتنا انه ميسي ثابت في مكانه في العمق والبقية في الأطراف بدون أي تحركات نحاول خلخلة الدفاع المقابل فيها .
اليوم تشافي قالها في المؤتمر الصحفي بأنه الفريق لم يكن جيد في الهجوم وانه افتقدنا تفعيل الأطراف والتسديد على المرمى وهذا شيء جيد انه اللاعبين عارفين بأخطاءهم اللي حصلت في المباراة ، والمهم هو تلافي مثل هالاخطاء في مباراة الاياب .
بالنسبة لكلامك عن فابريغاس انا قلتها قبل المباراة اني ما أفضل مشاركته كأساسي في المباراة وانه يكون انيستا في وسط الملعب وسانشيز مثلا او تيلو على الطرف علشان يكون فيه سرعة في اللعب على الأجنحة ويكون دور الرسام هو محاولة الدخول والتوغل من العمق وبالتالي يكون فيه تنويع لمصادر الهجمات بدلا من الاصرار الغريب على اختراق عمق الدفاع بدون فائدة ، وبشكل عام اتفق معك انه فيه لاعبين حاليا خارج الخدمة وغير قادرين على تقديم أي إضافة للفريق في الفترة الحالية سواء بيدرو او سانشيز وحتى تشافي انخفض مستواه وحاليا ما عندنا تقريبا الا انيستا وميسي في الجانب الهجومي هم اللي ممكن يشكلون الخطورة على مرمى الخصوم .
أما عن الكاميروني سونغ ، أتفق معك انه يستحق الحصول على فرصة اكبر للمشاركة كأساسي لكن إذا بتقارن بين سونغ الارسنال وسونغ مع برشلونه فيه اختلاف كبير في الأدوار ... سونغ مع الارسنال وخاصة بعد رحيل فابريغاس كان يلعب دور المحور المساند للهجوم وحتى صانع اللعب ومن أفضل الاسيست لأنه ارتيتا تقريبا كان هو من يؤدي الدور الدفاعي عشان كذا تألق بشكل واضح ، لكن مع برشلونه تلقاه يلتزم بادوار دفاعية بحتة بحكم تواجد تشافي وانيستا معه كصناع لعب فما راح يختلف دوره كثير عن بوسكيتز ولو انه مثل ما قلت أسرع في التمرير بدون فلسفة .
عذرا على الاطالة .. | 