ني هاو

قبل الجزء الثاني نمر ع الحبايب وردودهم

إقتباس الرسالة الأصلية كتبت بواسطة احبك بالهلال بالفعل الصين بلد العجائب ! ولكن بالحقيقه الموضوع شبه غريب سوا في عنوان الموضوع او بداخل الموضوع في كل محتواه من بدايته الى نهايته فلااعلم هل انت سافرت ام هذي صور مو مواقع ! ولكن اعتمدت على كلمة رحلتي الى الصين فمادري كيف كانت اللغة هناك وماأثرت عليك وخاصه لغتهم مستحيله ! صور جميلة ولكن قليلة جدا جدا اخي الكريم : الموضوع من بدايته غريب جدا لااحب المجاملة ! رحلة سعيدة وهنيأ لك هذا يافتى

اهلا يا صديقي والمعذرة على هذا الغموض وجايتك الصور لا تستعجل وبالتاكيد هي من تصويري وفكرة العنوان اني في 10 ايام اصبحت احب الصين وصرت صيني ان شاء الله تستمتع بالاجزاء الباقية

إقتباس الرسالة الأصلية كتبت بواسطة SCORPION-KING نفسي أروح للصين .. لكن الظاااهر .. على قولهم مبطي عظم يعطيك العااااااافيه أخوي ماجد .. لك التحيه

ان شاء الله تروح موب صعبه ترى وغير مكلفة ايضاً ..
ولك انت ايضا اجمل تحية يا صديقي

إقتباس الرسالة الأصلية كتبت بواسطة بن جبله الصين!!!!! كلهم يتشابهون أعتقد اذا سلمت على واحد كأنگ سلمت على الشعب الصيني كله ههههههههـ والله الآصدقاء وخصوصآ من يقوم ببناء بيته دائمآ يذهبون هناااگ لتأثيث المنزل.... السفر جميل بجميع احوالهـ ... حمدالله على السلامه ومشكور على الموضوع اللذيذ....

هلا بك اخوي بن حبله ومن ناحية يتشابهون فهم يتشابهون حتى انا يوم صرت هناك حسيت اني بتحول واصير مثلهم
الله يسلمك يالغالي وهذا من ذوقك يا لذيذ يا رايق

إقتباس الرسالة الأصلية كتبت بواسطة @@almoreb@@ الصيـــــــــــــــــــــــــــــــــــــــــــــــــــــــــــــــــــــــــــــــــــــــــــــن !! حركات والله ياماجد .. أجل رحت الصين .. ياخي الصين من البلدان القلائل في مخيلتي اللي نفسي أزورها .. أحس انهم عايشين في كوكب لوحدهم .. بجد نفسي أعيش دورة حياة صيني من الصباح للمساء وبكامل تفاصيلها .. أبي أصير صيني محب للعمل اللامنتهي بس ما حكيتنا عن ثقافتهم وعن تفاصيل حياتهم ... ننتظرها وننتظر تدعيم ذلك بصور ليس لها نهاية حبيتهم .. ما اعرف ليش .. احس في كمية براءاة مو طبيعية طالعه منهم .. ما أحلى المسلمين مالقيت لك عروسة صينية ؟! لك

هلا احمد والظاهر لو انزل موضوع اقول فيه ( آه ) بتقولي اعرست
بصراحة الصين تستاهل الزيارة وحياتهم ابسط من بسيطه
بس ما شاء الله عليهم كرف وبالنسبة للمسلمين من جد تستغرب وانت تشوفهم رغم
الشيوعية والاستبداد وبعدهم واقليتهم الا انهم ما زالو متمسكين وله مكانتهم ..
وابشر يا صديقي بما لذا وطاب من الصور العِذاب

إقتباس الرسالة الأصلية كتبت بواسطة تركي السلماني ياخاين أول شئ لا تقول أنك زرت سور الصين العظيم قبلي ؟ أول شئ حبينا نسلم على حبايبنا أهل المجلس .. مبطين عنهم والله ق1 ثانياً بما أنك صرت صيني أوكاد أنك بديت تتعلم اللغة الصينية الشعبية و تأكل سنكرس صيني ياحركات أحس طعمه فيه طعم جراد خخخخخخـ ثانياً : صحيح أن وسائل التواصل الأجتماعي مثل التويتر محجوبة في بلاد شرق آسيا كالصين ؟ موفق خير ق1

هلا تركي وللاسف ما رحت للسور المشكلة ان الصين كبيرة أوي وانا رحت الشرق عاد ماعليه نروح بكين سوا يا صديقي ونرقى السو كاول مشرفين جمهوريين بس لايفوتك السنكرس الصين من جد انت مو انت وانت جوعان
وبالفعل هناك لا تويتر ولا فيس بس الشعب كله ما غير يتمقل بجواله يمكن عندهم واتس اب تحياتي يا صديقي

إقتباس الرسالة الأصلية كتبت بواسطة حروف الغلا حيا الله مشرفنا بو مقبل منور المجلس و اهله الصين في الفترة الأخيرة صارت مطلب أغلبية العرب و بصراحة الكل يمدحها و منهم أخوي اللي سافر لها طمعا في أثاثها أنا أقضل اليابان بلد الساموراي لا تقطعنا و انت و تركي

هلا حروف شخبارك ان شاء الله طيبه ومثل ما يقول المثل لابد من الصين وان طال السفر والصدق الديرة سياحية من الدرجة الاولى ولا يفوتك تستاهل الزيارة وفقك الله .