04/02/2013, 06:57 PM
|
 | زعيــم فعــال | | تاريخ التسجيل: 12/06/2009 المكان: الشرقية
مشاركات: 254
| |
.
.
.
وش اللي فرق بين الموسم الماضي وهذا الموسم ؟
كيف كنا نقدر نسجل على أكبر نادي ونسجل على أصغر نادي بدون مشاكل ؟
نفس اللاعبين نفس المدرب .. لكن الاداء مختلف من بطوله لـ أخرى !
الفريق نفسه اللي لعب يوم الاربعاء مع برشلونه لعب مع غرناطه وهو أكمل والفارق ايام فقط !
اللي فرق بطولة ننافس عليها ومباراة كلاسيكو , وبطوله منتهيه ولا ننافس عليها !
حتى في الدوري فيه أختلاف في المستوى لمن نقابل نادي صغير ولمن نقابل نادي كبير
ينوجد الدافع في مباراة النادي الكبير ولا ينوجد في مباراة النادي الصغير واللاعبين ما يلعبون مثل العاده !
لكن اللي ينكر أن فيه مشاكل مايفهم كوره فيه مشاكل بالمراكز وباللاعبين وبأدائهم وربما لو استغلت في اي مباراه او أخطأ اي لاعب من لاعبينا في مباراه نخسر كل شي خصوصا في دوري الابطال
أربيلوا ؟ لاعب اقل بكثير من مستوى ريال مدريد ومب جديده هالجمله لكن فعلا اللاعب نككبه !
قدام غرناطه والفريق مهزوم ويبي يعوض وفي اخر الدقايق يكسر المهاجم النيجيري داخل منطقة الجزاء !!
وقدام برشلونه يسطر ميسي قدام حكم الرايه !! ماعلي منه سبه والا اهانه .. لكن لو في الكامب نو وميسي رجع سبه
ولمسه اربيلوا راح تسمع 90 الف مشجع يصرخون للحكم ان ميسي انضرب !
حتى في اللقطه ميسي لف يدور الحكم ويقوله ولو ميسي يمتلك شوي من خبرة دانييل الفيس او سانشيز وطاح في اللقطه كان كرت أحمر !
ضيف على اربيلوا البيول و هيقوين و دي ماريا و كاليخون و بنزيما
لكن هالتغيرات للمستقبل مع اني ما اتوقع يتغيرون !
هيقوين قدم مواسم جميله مع ريال مدريد لكنه تراجع وصبرنا عليه صبر ايوب ولا فاد وريال مدريد نادي مايصبر
على مدرب بيجي يصبر على هيقوين او بنزيما !
لو تذكر اي اسم نادي اوروبي وتشوف بس مهاجمينه بتعرف قد ايش الريال مظلوم بذول الزلايب !
مانشستر : روني , فان بيرسي
السيتي : أوغويرو , تيفيز
وبرشلونه ميسي وديفيد فيا احتياط :s2
وجارك بالعاصمه عنده فالكاو عن كل مهاجمينا
المباريات القادمه مايبيلها لاعب جيد والا ممتاز يبيلها لاعب خارق اذا جاته فرصه مايضيع !
كيف فرصة بنزيما بس ! 
لو تجينا هجمه وحيده امام المانيو ويضيعها كذا بنزيما ؟
بالنسبه للعقم الهجومي والتهديفي أحيانا .. ماهو مسألة صانع لعب لانه عندنا اوزيل ومودريتش ولكن المشكله في
ان ريال مدريد مايلعب على الاطراف نهائيا !
مانشستر من اكثر الانديه اللي يسجل اهداف بالكور العرضيه من الاجنحه بالذات من فالنسيا .. ريال مدريد مشكلته
في اللاعبين اللي يلعبون في الاجنحه !
يعني رونالدو يلعب بالجهة اليسرى في نهاية المطاف راح ينزل على الجهة اليمنى عشان يكون متحكم أفضل بالكوره
لمن تصير على رجله اليمنى اللي هي رجله الاساسيه وهذا يقتل اي فرصه أنه يركض ويلعبلك اوفر من الجهة اليسرى لانه ماراح تكون دقيقه مثل رجله اليمنى !
لكن رونالدو أهون بكثير من حال الجهة اليمنى رونالدو حتى لو نزل وترك الجناح يفيدك في الهجوم وغالبا مايغطي عليه مارسيلو او كينتراو ويؤدون دوره !
لكن دي ماريا واربيلوا حدث ولا حرج !
نفس المشكله لاعب بالرجل اليسرى في الجهة اليمنى بل اسوء حتى من رونالدو في استخدامه للرجل الاخرى , تنعدم الالعاب العرضيه من الجهة اليمنى ولا يوجد من يعوض دي ماريا لان اربيلوا سيء جدا في الهجوم فما بالك في العرضيات !
من بعد روبين ما أحد يقدر يؤدي اللي كان يسوي روبين في الجهة اليمنى وهو لاعب ايسر , لان روبين كان سريع التصرف ولا يفكر وهذي كانت ميزته وكان يقدر يشيل الفريق على كتوفه !
مشكلة اللاعب الايسر انه غالبا مايقدر يلعب صح بالرجل اليمنى عكس اللاعب الايمن اللي يقدر يستفيد من الرجل اليسرى وهذي المشكله موجوده في فريقنا وفي الباييرن !
لكن في البايرن ورا روبين لام والظهير الايسر خلف ريبري واثنينهم ممتازين ويغطون اي نقس بالذات من روبين !
غير مشكلة العرضيات قتل اللعب وقتل المرتدات لمن لاعب يجلس يعدل من وقفته عشان تجي الكوره على رجله اللي يعرف يلعب فيها !
وهذا اللي يخلي الفريق عقيم هجوميا ولا عنده حلول الا من العمق والفريق اللي قدامك اذا تكتل يصير ماقدامنا اي شي اخر الا اللعب من الاطراف اللي اساسا مو معتادين عليه ونلعب بـ هجوم لا يفيد ولا يأتي بهدف !
عذرا على الاطاله لكن كلام في بالي وقلته  |
