| مشكلة الهلال واضحه 1- المدرب 2- الرئيس اللي يدافع عنه الى مايمل الجمهور من الثنين
نفس سياسة عبدالله بن مساعد بالضبط
سياسه فاشله مدرب حايس الفريق حووووس
الشلهوب مايلعب وهو صانع الالعاب الوحيد
والصفقات المحليه مافيه جلب نجوم كبار زي جيل الهلال الماضي الخرافي
والمشكله مب من الاداره فقط حتى الجمهور يطير في العجه
هرماش يجيبون محور بداله وهو موجود والجمهور ماغير سب في هرماش مع انه يؤدي أداء ثابت ومن أفضل لاعبين الهلال في أغلب المباريات
هرماش افضل محور شفته يلعب في الهلال هو الوحيد اللي يبرد حرتي اذا لعب
يروحون يفرطون في لاعبين وبعدين يحاولون يعوضون ويخسرون فلوس اضعاف مضاعفه
سياسة الهلال فاشله والمستقبل مو للهلال
لازم يشتغلون مثل الاهلي من الحين والا بتطير الطيور بأرزاقها وبيصبح الهلال مثله مثل اي فريق
هذا الكلام مو عشان الخساره اليوم بالعكس انا ماشفتها من الاساس لاني مابعت اعصابي اشاهدها الكتاب بيّن من عنوانه
احيانا من زود القهر معد تهتم للخساره لانك تعرف ان الخساره تصحح الفريق
انا ابي اخسر الى مايتصحح وضع الفريق معد ابغى فوز مادامه يعمي عيون الاداره والجمهور عن الاخطاء الكثيره الصايره في النادي
ابغى مستقبل مثل ماضي الهلال القوي  | 