| للاسف جمهور الهلال او بالاصح ( كثير منهم ) قليل دعم كثير انتقاد في المنتديات
لا احد يسلم من هجومهم لا ادارة ولا لاعبين ولا جهاز فني
الكل يشوف رأيه هو الصح وهو اللي فاهم
والمدرجات فاضيه وهو جالس يسب ويشتم في الادارة والاعبين وهو مستخسر يدفع عشرين ريال تذكره يدعم فيها الهلال
كله كوم واللي يجي يتفلسف ويقول والله ماتحققون اسياء لو ماطبقتو كلامي
طيب اكتب آسيا صح وبعدين عطنا ابداعاتك
النقد مطلوب لكن من ناس متخصصه وفاهمه في كرة القدم
مو كل من لعب كم مباراة بلاي شتيشن صار ناقد رياضي لازم الكل يسمع رأيه
ولا كل من سب وقلل وتشائم اصبح ناقد خايف على الفريق اكثر من غيره والا كان الهريفي افضل ناقد رياضي في السعوديه
المدرجات فاضيه
التشجيع ملل ومحبط عند جمهور الزعيم
الضغوط رهيبه على الاعبين والادارة
الدعم المادي عادي جداً اذا قارناه بجماهيرية الزعيم
والنتيجه اللي لا سمح الله ممكن نوصل لها
ابتعاد الشركات الكبيره الراعيه عن الهلال لأنه مايملك قوه شرائيه رغم كثرة اعداد جماهيره
ماراح يكون فيه استقرار اداري لأن رئاسة الزعيم امر مرهق مادياً و نفسياً والمقابل لا شيء
انخفاض مستوى الاعبين نتيجة الضغط عليهم وخوفهم من ردة فعل الجمهور مثل اللي حاصل لهم في مباريات آسيا وكلنا نذكر حتى في عز مستويات الفريق الفنيه كان يخفق في آسيا ويتحول الى حمل وديع ويتوه الاعبين في الملعب من شدة الخوف من الجمهور
هذا هو الواقع للاسف
انا لا ابرر للإدارة ولا الاعبين فلهم من الأخطاء مالله به عليم
ولكن قبل ان نطالبهم بالاصلاح يجب ان نبدأ بأنفسنا
فريق مثل الزعيم لا يملك بين جمهوره شخص مميز يقود رابطته بنجاح او شخص قادر على كتابة نشيد رسمي او جمهور قادر على هز الخصوم لأننا تفرغنا لهز ثقة لاعبينا في انفسهم  | 