الجمهور العاطفي اجل

على فكرة ترى تشجيع كرة القدم حاجة عاطفية من الأساس .

نرجع للموضوع واسمح لي اقول نرجع للتطبيل للإدارة ..


لو طلبت من شخص يروح يجيب لك غرض من الشرقية والحبيب ضرب مشوار لعيونك بس لجدة وجاب لك شي آخر غير اللي انت تبي....وش موقفك!!!!

اجتهد صح!!!! وما قصر !!!!

هل بتقول خلاص بما انه اجتهد يعني اللي سواه صح!!!!

الرئيس يجتهد بس النتائج كارثية ،،، وتبينا نلوم انفسنا انا عاطفيين وندور على الرئيس الزلة؟؟؟

ياخي انا مستغرب انتم في منتدى الهلال وإلا في منتدى الإدارة

اذا كنتم تحبون الرئيس اكثر من النادي الله لا يهينكم افتحوا منتدى باسمه وخلو الهلال للناس العاطفيين.

الهلال اصبح مهترئ ووضعه لا يسر عدو ولا صديق والتخبطات الإدارية على قفى من يشيل وانتم ما عندكم إلا اتركوا الإدارة تعمل ... أدعموا الإدارة ... لا تشوشون على الإدارة ... والهلال آخر اهتماماتكم

اذا رئيس المؤسسة والعقل المدبر وصاحب القرار ما تبون احد يلومه...اجل نخلي الرئيس يسجل الهلال باسمه ويجيبكم معه علشان تمدحونه وتقنعون الجماهير ان كل الأشياء اللي يسويها صح.

اقسم بالله اني أحزن على الهلال اذا كان هذا كلام مشرف في منتدى يمثل الهلال...اذا كان المنتدى من ممتلكات الإدارة قولوا لنا علشان نروح نسوي منتدى للهلال فقط فقط فقط.