قايلتلكم المدرب فاشل ماعنده شيء يقدمه للهلال سوى تخبطاته
اللي قاهرني الامير ونائبه ليش ساكتين عليه ليش ساكتين على وضع الهلال
ولا كأن الهلال يهمهم ولاكأنهم هم الاداره
اليوم يصرح النائب يقول مالوم الجماهير ونعتذر ياخي مانبي اعتذاراتك نبي فعل نبيكم توقفون هالمهزله
لا ويقول الجمهور لوفاز الهلال اليوم ماراح يكون هذا كلامهم لا الله يطول بعمرك حتى لوفاز الهلال ماراح يرضينا هذا المستوى الهزيل اللي يقدمه الفريق
حتى لوفزنا ببطوله هم مايرضينا
احنا تعودنا على الفوز واحنا جماهير ذواقه نبي اللعب نبي الفن نبي الزعيم اللي تعودنا على ابداعه وامتاعه لنا
وربي من سمى المدرب نكباويه انه صادق وصح لسانه
والله المرشدي يذكرني بفهد المفرج مباراه عال العال وعشرمباريات نكبه علينا
والزوري اليوم تسبب بولوج اهداف الاتفاق اللي حطه بهالمركز ماهو مدرب
متقدمين وفي آخر دقيقتين وتدخل الشلهوب الوسط والبعيد عن مستواه واللي لياقته صفر ليش مادخلت دفاع ياخي ودافعت
لا واللي قاهرني تصريحه للصحفيين ياخي يطلع نفسه واعذار جاهزه له ويقول مباراه طيبه وقدموا الاعبين اللي عليهم
اوكي قدموا اللي عليهم بس انت وش سويت
اخخخ ابعرف اللي اختار المدرب من بس
ياجعلنا ماناخذ الدوري دام هذا لعبنا والله الفتح افضل فريق من ناحية الاداره التي تحرص على جعل الفريق في اوج وافضل مستوياته ومن ناحية المدرب اللي يعرف مستوى الفريق والطريقه التي تناسبه ويستاهلون ومبروووك مقدما
لا والحكم الله حسيبه وش سوى اليوم اخطاء فادحه ضدنا وعلى لاعبينا وتستحق كروت حمراء وصفراء ماطلعها حتى
صار الكل ضدنا يالزعيم الله لنا