نقطة تحول ف المباراه ، على مايقولون " الحي يحييك والميت يزيدك غبن " الحي يحييك ( ب ) ، والشق الثاني ينطبق على توريس .. ب 8 مدري 9 دقايق حسينا بلاعب قدر يهدد مرمى السوانزي حسينا بنعمة مركز رأس الحربه ، فرصتين بالراس وهدف ملغى بغض النظر عن صحته أو لا ، بس ناخذ الفعاليه الهجوميه الي صارت بالدقايق المعدوده والي ماقدر عليها صاحب الرقم تسعه طول ال 80 دقيقه !

المعضله واضحه للجميع ، مشكلة الفريق براس الحربه الي يتوج مجهودات من خلفه لأهداف ، سواء من تحركات أو تمركز صحيح أو أو أو .. ب كأول مباراه له قدر يسجل هدفين والي صابرين عليه 3 سنوات لازال يبحث عن نفسه ! ، مجاملة رافا لتوريس راح تضيع الفريق ، خسرنا 4 بطولات بداية الموسم وماعندنا إستعداد نخسر الكثير ، إذا الكابتل أسهل بطولة متوفره لك ماقدرت عليها أجل وش بتقدر عليه ؟ الدوري الأوروبي ؟ الكاس ؟

حتى الدوري الي كنت مأمل فيه فقدت الأمل بعد خسارتنا من متذيل الترتيب كوينز بارك ولا بأرضك بعد ! إذا بأرضك منت قادر تفوز يارافا أجل متى بتفوز ؟ مو كل مره بتروح برا أرضك وبتلقط الثلاث نقاط .. مشكلة تشلسي صارت إداريه أكثر من كونها فنيه .. الإستقرار مطلب في كرة القدم ، الثبات على مدرب وركيزه أساسيه من كم لاعب بتخليك تبدا كل موسم بمستوى ثابت وبقوه تتزايد مع الوقت .. بس للأسف الي يحصل بتشلسي العكس

أتمنى ماعاد يجامل توريس ، دعمناه لين قلنا بس ، ما أتوقع فيه جمهور ونادي بيصبر على الي يقدمه أكثر من جمهور ونادي تشلسي .. الاعب إنتهى بشكل رسمي ، إذا وراك أفضل خط وسط ومنت قادر تسجل ولاعبين متصدرين القائمه التهديفيه ووسطهم خايس وأصلاً تشك إن عندهم وسط تعرف إنك معتمد على واحد زلابه ومنتهي وماترجي منه شي .. عطنا ب من اليوم ورايح ي رافا وبتشوف شلون شكل الفريق بيتغير

خسارة سوانزي بسبب أخطاء فرديه من إيفا المرهق والمشتت كلياً بذيك المباراه ، ومع ذلك بعد نكبته بالهدف الأول شفناه يتقدم ويحاول يرجع الفريق بأي شكل وهدد مرمى سوانزي أكثر من مهاجمنا المقلب .. دام الغلطتين منك ي إيفا فأنا أستحي إني أعاتبك ، فداك الهدفين ونقاط المباراه كلها .. دام الأمل باقي موجود وفيه إياب إن شاء الله قادرين على العوده من بعيد وخطف بطاقة التأهل ، هدف مبكر راح يعطينا الأولوليه بس الأهم من ذلك نطلع ب كلين شت من المباراه ..

هاردلكم تشلساويه ، وشي مفرح عوده إثنين من أعمده الرابطه ق1
قواكم الله وإعذرونا على القصور