أنا أقول إن الكابتن ياسر القحطاني أكبر من هالأمور هاذي .. ومن الممكن أنه نفد صبره وبلغ السيل الزبى مثل ماذكر في تصريحه ... لكن أنا أشوف إن اللي أثارها أكثر للأسف الإعلام وللأسف مقدم إعلامي مثل ماجد التويجري الله يهديه يثير اللاعب ياسر وبعدين يقوم يسحب روحه ويقول أنا مالي دخل هذا كلام ياسر مو كلامي ؟؟؟ والآن سمعنا إنه المعلق عدنان حمد في قناة أبو ظبي الرياضية أيضا طرح نفس القضية على فهد الهريفي وللأسف الشديد رد فهد كان سيء جدا جدا جدا جدا بشكل غير طبيعي وأشبه مايكون بسواليف شوارع ومهاترات سوقية !!! ذكر فيها الاستراحات وكلام يندى له الجبين ولا كأن عليه رقيب في كلامه ولا يستشعر حرمات المسلمين .. إذا ولا بد رد عليه بكلام داخل الإطار الرياضي أما مسألة تدخل في شخصنة الأمور .. وبعدين يوم يقول فهد الهريفي إذا هي على ريكارد أنا لعبت أمامه في مباراة دولية وسجلت هدف من فوقه .. طيب حتى في لعيبه صغار في السن لعبوا أمام اليوفي في مباراة الاعتزال فهل يعني هذا أنهم ند وكفؤ للرمز الإيطالي دلبيرو؟؟؟؟
المنتخب البرازيلي والمنتخب السعودي لعبوا في بطولة كأس القارات في باستاد الملك فهد بحي الجنادرية فهل يعني هذا إن حي الجنادرية أفضل وأرقى من أحياء باريس أو روما من حيث التصميم الحضاري والعمراني ؟؟؟؟ فلا تختزل مباراة ودقائق معينة في سيفي ومسيرة لاعب !! وهذه مهمة في المعايير في أي موضوع
عموما دورات الخليج معروفة إنها لعبة إعلامية ويبدولي أن سقطة الإعلاميين من دول الخليج خااااصة ( ؟؟؟ ) يعرفون أنفسهم زين والمتخوفين من المنتخب السعودي لقوهاااا فرصة جتهم بطبق من ذهب لضرب المنتخب السعودي لغرض اهتزاز التركيز عند لعيبته ومن أهمهم كابتن الفريق واللي تقريبا هو من يقود الفريق وتمثل أهميته لاتقل عن 40% ...فهاذي فرصتهم ....
وللأسف بعض الإعلاميين السعوديين سواء المتعصبين ولا اللي جايبينها على شكل متابعة وسبق إعلامي وإثارة ومن هالقبيل أنهم ساهموا مساهمة وخدمة عظيمة للضرب على المنتخب السعودي .. وللأمانة في بداية حديث ياسر كان يحاول يتحاشى الرد على فهد وكان يحاول أنه مايكون فيه صدام لكن للأسف ماجد التويجري أثاره في كل مرة يعطيه سؤال مستفز ومنرفز واستطاع انه يثيره فعلا ..
أنا لو من ياسر أن كان رديت بكلمتين : الميدان والملعب هو من راح يثبت صحة اختيار المدرب ريكارد .. وبالنسبة لفهد الهريفي اكتفي بمثل ماقال مدير المنتخب صالح المعجل بقوله ( لاتعليق ) ..
