تصدق اني ادخل المنتدى عشان اقرأ خاصة ان موقوف عن كتابة المواضيع بس بعض المواضيع الي اقراها ترفع الضغط وتجبرني على الرد اخوي العزيز على بالك مثلا اقنعتنا بكلامك اقولك لا بحاول اقنعك انا يمكن انجح
اولا بالنسبة للاستقرار بسألك هل رادوي او ولهامسون او التايب احتاجوا وقت حتى يتأقلموا مع الفريق الاجابة لا وارجع لمباريات الفريق وخاصة رادوي ابداع من اول دقيقه تدري ليش ما ما يحتاجون وقت لانهم نجوم بمعنى الكلمة
ثانيا بالنسبة للاجانب هل تعلم ان اولسان اخذنا رايح جاي مع هؤلاء الاجانب
طيب اولسان فريق قوي اوكي هل تعلم ان الفتح اخذنا رايح جاي
طيب نجي للاعبينك واحد واحد نبدأ بويسلي عمره 33 سنه تراه يلعب على الواقف
تقول حماسي طيب عمرك شفته يلعب على الاطراف يسحب مدافعين يراوغ يعكس
بتقول يرجع ورى اوكي يرجع بس بشكل عامودي تدري ليش لأن لياقته ما تساعد
اما اهدافه فنصها بلنتيات وكلها امام الفرق الضعيفه وينه قدام اولسان لا حس ولا خبر
ترى هدفنا اسيا مو الفوز على هجر
نجي لهرماش كم هدف تسديده صار مقنع طيب حنا جايبينه محور ولا هداف اكيد محور اللاعب ضعيف في منتصف الملعب تمركز خاطئ تمريرات خاطئة والمشكلة الاكبر في هذا اللاعب والي محد منتبه لها انه يعك في الكورة ويأخر الهجمة بشكل غير ملاحظ وهو سبب في سوء مستوى الفريق
نجي لمانجان بنية اوكي غير كذا ممر سهل حتى لراهب تمركز خاطئ ضعف واضح حتى تشتيت ما يعرف يشتت اخطاء كوارثية في كل مباراة
اما الكوري فهو اقل بكثير من طموحاتنا انفرادات واضحة لا يسجل يجيد التهديف في اخر الدقايق اذا فريقنا فايز واستنزفنا لياقة الخصم وبعدين كونك تقول ورقة رابحة
اتفق معك اذا كان لاعب محلي بس محترف اعتقد تضييع لورقة اهم
اخوي انا اتفق معك ان محترفينا افضل من محترفين بعض الاندية بس الحقيقة تقول
ان اجانب الاهلي والنصر والاتحاد والشباب افضل منا
هدفنا اسيا وما حققناه برادوي وطقته بنحققه باجانبك شوية عقل
طبعا المطلوب الحين مو تغيير كل الاجانب الاستقرار مطلوب على قولك بس على الاقل 2 من ال4 يعني مثلا هرماش او الكوري او مانجان وقبل كل شي اقصاء المدرب الضعيف وتصعيد مدرب الاولمبي حاليا تقبل مروري