مبروك الفوز و خسارة السيتي .. الفريق قادر ع المنافسة لو يخرج من الفتره ذي بالعلامة الكاملة رغم ان فيه مباراتين صعب جدا جدا تفوز فيهن بس بإذن الله الشباب قدها و قدود و انا متأكد لو نفوز بالأربع المباريات الجاية بننافس بقوه لأني متاكد ان اليونايتد و السيتي بيتعثرون خصوصا السيتي لأن مانشيني جايب العيد فيهم و أتمنى يستمر معهم و اليونايتد الحظ ماشي معهم و دايم يفوزون بأخر الدقايق و هذا الشيء ماراح يستمر
؛
الفريق مستواه اليوم ( مخيس ) بس بالفترة ذي ماتهتم للمستوى كثر إهتمامك للنتيجة ..ميكيل هو السبب رقم 1 في بطئ الفريق و سبب هجماتنا المرتده البطيئه يعني لو تلاحظون تشوف الفريق يلعب ون تو إلين ماتوصل له الكوره و يقعد يمطرس فيها شوي و يعطي نوريتش فرصة للرجوع ! قسك بالله حرام ميكيل يجددون له و يسحبون ع اشلي و لامبارد الله ياخذكم ي إدارة الفلس

رافا رغم تأخر تبديلاته إلا انها مثالية خصوصا تبديل لامبارد اللي جعلنا نمسك الوسط و نلعب ع ملعبهم و جعلناهم يدافعون و ضروري إشراك لامبارد في مباراة ستوك و إيفرتون خصوصا مباراة ستوك > قامط منهم من بعد مباراة أمس .. رافا يجب ان نشكره من بعد ما أكتشف لويز بمركز المحور ، مواصفاته مواصفات لاعب محور خورافي وشلون مافكرنا فيه و استفدنا كثير من تمريراته الطويلة الأرضيه صنع كورتين خطيرتين الأولى تعازمو عليها اشلي و أوسكار و الثانية ماتا ضيعها بس فدوة له دامه جلب لنا الفوز