- مساكم بططل على عجالة من امري حاب اكتب لكم ثلاث نقاط على السريع ريثما اجهز واعود لكم قبل المطش الملتهب اولاً / اعتذر إعتذار شديد على تأخير النقاش لهالوقت والسبب انشغالي انا ومساعد بظروف خارجة عن ارادتنا ثانياً / اعتذر على غيابي الفترة اللي فاتت ، والسبب يعود الى الاختبارات المفاجئة اللي مريت فيها بالجامعة ، ولو اني اعرف انه ماهو عذر مقنع ، إلا اني حبيت اعتذر ثالثاً / من زمان حبيت ابدي لكم رأي مخيس كـ ارائي السابقة الا وهو اللايكات التشجيعية بمعنى اصح عطوا كل واحد حقه ، وبمعنى اصح من اللي قبله اتمنى اشوف كل الردود عليها لايك خصوصاً وان هالشيء راح يشجع الكاتب وراح يخليه يتحمس ويكتب ويكتب وهالشيء من صالح الرابطة ايضاً اشوف المصممين يتعبون ويصممون ولا اشوف فيه لهم أي تشجيع ، بالمقابل ما لنا حق نطالبهم يصممون بما انهم ما يلقون الدعم والتشجيع اللي احنا ملزمين به تجاههم يعني بالمختصر إذا عجبك خبر او عجبك رد لا تبخل بأي لايك ، خصوصاً وان اغلب الروابط لايكاتهم اكثر من ردودهم ( ما شاء الله ) لذا اتمنى اشوفكم تدعمون محررينا الافاضل ومصممينا وكتّابنا عشان يحق لنا بعدين اننا نطالبهم بالاستمرار وسلامتكم !
