عشان لا يروح فكر البعض بعيداً ، تشلسي ضد ساوثهامتون متأجله ولم تلعب بسبب مشاركة تشلسي في بطولة كأس العالم للأنديه

=

يعطيك العافيه ي السمي

جوله متوسطة ، ولكن من الممكن حدوث مفاجئات من فرق الوسط بجدول الترتيب ، أقوى مواجهه بتكون بين المانيو وسوانزي نظراً للمستويات الي يقدمها الأخير في الدوري الإنجليزي ..

السيتي مهمته سهله ضد ريدينج وتوقعاتي بيطلع بالنقاط الثلاث وبيقلص الفارق ل 3 نقاط بإنتظار هديه من سوانزي

الأرسنال إن تعثر فهم نفسهم من تسسبوا بالتعثر ، فوزهم بخماسيه المفروض يعطيهم معنويات أكبر للإستمراريه بالإنتصارات ، إن إنتكس الأرسنال ف سيظل هذا حاله لنهايه الموسم وبينهي الدوري مابين المركز الخامس والعاشر

توتنهام والتكتل الدفاعي من ستوك توقعاتي يقول بيتعثر ، تعادل إن صح التعبير ..

ليفربول كل ماقرب جرحه ينبرى يرجع وينفتح من جديد وأكثر من قبل .. فولهام ما عاد ممتع وقوي بأول البريمر ، فالأنفيلد ممكن ترجع على حسابه أمالك ف المنافسه لمركز مؤهل للأبطال ،

المانيو وسوانزي مواجهه مرتقبه ومتوقع بتكون مثيره ، مليئه بالأهداف ، طبيعي أتمنى تعثر المانيو بنفس الوقت أتوقعهم الأقرب للنقاط الثلاث .. بس إن شاء الله ميتشو وأخويائه يقدمون لنا هديه ..

=

نجي للعشق

التقلبات الإداريه الي صايره تكرهك ف تشلسي ، مدرب داخل ومدرب طالع ، الاعبين نفسهم تشتتوا ولا قاموا يعطونك أفضل ما عندهم .. خسارة الفريق لأربع بطولات من 8 مدري 7 تلخص لك الحاله الإداريه السيئه الي وصلنا لها ، أحمل ها الشي إبراموفيتش 100 % ، البعض مننا يلوم رافا حالياً لكن ما بيده يغير المعطوب في يوم وليله ، الإستقرار مطلب في كرة القدم ، تبي بطولات ؟ إثبت لك على مدرب وعلى ركيزتين ولا 3 أساسيه بالفريق والباقي لو تكملهم من الحاره بتسوي شي في البطولات المشارك فيها ..

خسارتنا كأس العالم للأنديه خيبه كبيره جداً كونها البطوله الأسهل لنا هذا الموسم وكونك ماراح تلعب فيها كل موسم ، هي مره وحده بس ويبغالك تنتظر سنوات لين تجيب الأبطال عشان ترجع وتلعب فيها مره ثانيه ، الفريق صحح أوضاعه بعد البطوله وقدر يلقم ليدز فالكابتل ون 5-1 ويحسن من العامل النفسي للفريق ككل ، كنا محتاجين هذا الفوز كثير خصوصاً بعد الخروج من البطوله ..

الفريق ف البريدج بيواجه أستون فيلا ، ورقياً المباراه بنقاطها الثلاث ف الجيب لكن ماندري عن الظروف الي بتصير داخل المستطيل الأخضر ، أستون فيلا فاجئ الجميع بفوزه الجوله الماضيه على ليفربول بثلاثيه مقابل هدف وحيد ، خصوصاً إن الليفر وقتها قدم كل شي أول 20 دقيقه وكان الأقرب للظفر بالمباراه بس الأمور إنقلبت ومن هجمتين قدروا أسنون فيلا يحرجون ليفربول ، نفس السيناريو الي صار مع الليفر خايف يتكرر معنا ، الفريق لازم يدخل المباراه بجديه وينهيها من الشوط الأول .. إراحة هازارد الأربعاء نبي نشوف إيجابيتها يوم الأحد ، وأتمنى مشاركة ستوريدج + تيري فالمباراه ..

فتكوا بالعافيه