[align=center]والله انك جبتها اخوي وهالايام اللي ماعنده لغه الله لايهينه يدورله وظيفة هندي ويطبق مبدا السعوده...


لكن عندي ملاحظه اخوي اللي مهو بحريص يتعلم مابيستفيد لو يروح مكان مايروح وانا لي تجربه شخصيه..انا تيسرت لي والحمدلله طلعت بصيفيه لمدة شهرين لمدينه ينقالها(تيركي) بجنوب لندن وعلى بالي اني ماراح اقابل اي شخص عربي لكن اتفاجات بوجود 24 شاب كلهم من السعوديه والكويت وطبعا تعرف الوضع مدرسه بالنهار وبقية اليوم مع الشباب وهاتك يادجه ومر شهر وللاسف ماتحسنت لغتي الا شي بسيط وبعدها قلت الحين انا جاي اتعلم ولا اتمشى وخففت كثير من احتكاكي بالشباب والحمدلله الوضع تحسن كثير وحسيت اني استفدت..


اذكر صار لي موقف محرج في بداية السفره ..طبعا اول ماتنزل عند عائله يسائلونك وش الاشياء اللي تحبها وودك فيها والاشياء اللي ماتبيها ومنها الاكل..المهم خويكم يبي يفهمهم انه مايبي لحم خنزير (والبسطرما) وطبعا اللغه كانت دجه وكل اللي عرفته وقلته لهم (نو مييت)يعني مابي لحم واستمر هالوضع لمدة اسبوعين وكل يوم دجاج الين نجحت افهمهم اللي ابيه :p ..

زبدة الكلام..ان اللي يبي يتعلم يمديه لو كان وين مايكون اهم شي المثابره والصبر وما اقول الا الله يذكرك بالخير ياماما ماري

تحياتي..[/align]