نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || EPL 15 || المان ينتصر بالاربعة ، والليفر 1-0 ، والسبيرز 3-0 ، البلوز يخسر بـ3 ، والارسنال يخسر 2-0 ، والسيتي تعادل مع ايفرتون||

الوافي001 · #5 02/12/2012, 11:11 AM

إقتباس

الرسالة الأصلية كتبت بواسطة حروف الغلا


	مباراة المان يونايتد و الريدينغ مولعة بالأهداف و القادم أكثر في الشوط الثاني و ما أظن عشاق المان توقعوا هالأداء من الريدينغ بالتوفيق للريدينغ

هاردلك الخسارة ..

طال عمرك حنا متوقعين ولو تجيبلنا النصر سجل فينا أقل شي هدفين ..

الله يخلي هجومنا ذا الموسم .. ولا السير رفع عنه القلم

.. في كل مؤتمر يطلع ويقول حنا لازم نفرق بالاهداف العام خسرنا بفارق الاهداف وهالسنة بنشتغل عليها كويس .. قولوله يمكن ما يدري انك لا سجلت 7-6 مثلها مثل 1-0 في فارق الأهداف .. جابله احسن مهاجم بالعالم ونسى ابو التنظيم الدفاعي ..

ياهو زمن في 2008 لما كنا نجيب قول وندافع دفاع لا باص تشيلسي ولا عارضة دي ماتيو زينوا مثله .. كان الكلين شيت زي السلام عليكم .. بالأخير ما يتعلم من غلطته بعد شمايكل وشلة السلق اللي حرسوا لمانشستر .. ويجيبلي حارس صغير ما عنده ثقة .. كان متوفر عنده نوير لوريس .. دي خيا ممتاز .. لكن واضح انهم جابوه من دون متابعة دقيقة وتقييم فني .. اخطر ما في البريمير ليق الكرات العرضية .. وما فيه نادي من العشرين ما يلعب كرات عرضية ممتازة الا الارسنال

.. ومع كل هذا يجيبونلي أسوأ حارس بالكرات العرضية !!!! لك سنة ما اشتغلت عليه وهو زي ما هو لا انت اللي قويت بنيته الجسمانية حتى يقدر يطلع ولا انت اللي دربته على الطلعة ..

صحيح الدفاع يتحمل جزء كبير منها .. لكن شوفوا دفاع تشيلسي وهو في أسوأ فتراته يطلع تشيك ويريحك ويبنيلك هجمة .. بدل ما يبقسها ويطيرها يمسكها .. هالشي ما حسينا بأهميته الا يوم تركنا سوبر سار ..

اجي للمباراة .. الشوط الأول فضيحة بحق البريمير ليق .. متعة ما متعة .. أنا أتكلم عن أفضل دوري بالعالم .. تبي متعة وأهداف كثيرة أبد انقز لأقرب حارة وشف الأهداف الكثيرة ومن كثرها يبدون لا تعادلوا 17-17 يقولك صفر الجميع

.. كل كورة تدخل منطقة الجزاء قول .. وش ذا .. ترانا نتكلم عن متصدر الدوري .. كل كورة دخلت منطقة الجزاء بالنص ساعة الأولى قول !!!!!! فريق مخيس مخيس مخيس يلقمك 3 في شوط ..

سبحان الله قلتها بعد مباراة الفيلا .. لو تجيب الوحدة لعب ضدنا زين وقالوا لو تقدم مستوى زي كذا كل مباراة كان ترتيبك احسن .. والبلا كله من اللي قاعد بالدكة .. المشاكل واضحة من بداية الموسم ولا اشتغل عليها ابد .. يقتل ثقة اللاعبين بطريقة غريبة وغبية .. دي خيا كل ما بدع وقلنا خلاص اخذ الثقة .. رصه وحط المخيس اساسي ويالله يا خيا استرجع ثقتك مرة ثانية وانكبني اكثر .. تبديله لرافا امس صحيح عدل خطأه .. لكن يمكن الأغلب ما انتبه للخطأ الأكبر والأعظم انه ما درس ريدينق ابد.. لو انه دارس ريدينق كان لعب بسمالينق من البداية ..

صرنا نكرر كلام جمهور ارسنال مع فينقر انه يدخل ضد ستوك ولا مانشستر ولا نوريتش والخطة والتشكيلة نفسها .. يا سير يا احسن مدرب بالتاريخ .. ميزتك واللي وصلك لهالمستوى هو قرائتك الفنية للخصم قبل المباراة .. كان ما فيه شخص بالعالم يقدر يتوقع التشكيلة .. واللي نشوفه الحين هم نفس الأسماء ونفس حركات فينقر الغلط ..

ما راح أتكلم عن تبديل جونز مكان اندرسون .. والله ان تلكمت ممكن اكفر فيه

..

ما راح استغرب لو يستمر الفريق طول الموسم بهالنظام .. الواضح ان السير ما يبي يتعب نفسه بالاسبوع ويتابع الخصم .. ولا هو اللي يشتغل على نفسية اللاعبين قبل المباراة ..

مباراة السيتي مفترق طرق .. كسب ثقة وعودة لهيبة مانشستر .. او ترنح وعودة للصفر ..

كم باك كم باك كم باك .. ما نبيها خلوها لكم ..