5willd ياهلا بك

من كم مباراة ومانشستر مستواه سيئ انا معاك

بس خلينا نبحث عن الاسباب يمكن تكون منطقيه

في وجهة نظري المتواضعه ان السير هذي السنه موضف خبرته كلها اللي تعلمها كل السنوات الماضيه

السير عنده مجموعه تخدمه في اي تشكيله لعب فيها كانت دفاعيه او هجوميه او متزنه

السير قاعد ينوع في طريقة لعبه ويحاول يعود اللاعبين على كل طرق اللعب اللي ممكن يحتاجها في المباريات بإختلاف الفرق المقابله وبإختلاف اضروف المباريات

شاهدنا السير يلعب 442 هذا الموسم و 433 بثلاثه محاور و 433 بمحورين تكتيك يختلف كل مباراة لو تلاحظ السير الى الان ماثبت على تشكيله الا في كم مباراة يمكن ما تتعدى الثلاث مباريات .

اللاعبين تحسهم ودهم يعطون وقاعدين يبذلون مجهود داخل الملعب ويحاولون يطبقون تكتيك معين صدقني في المباريات الكبيره مثل مباراة السيتي ماراح يغامر السير ويلعب بنفس تشكيلة البارح ولا نفس التكتيك ولا راح يتفلسف بزياده

راح يلعب مثل ماشفناه اما تشلسي وليفربول وارسنال 442 وراح يختار افضل العناصر المناسبه

ولكن اللي قاعد يسويه الان هو تشتيت للخصوم بتنويع طرق لعبه واعداد للمرحلة القادمه لانه عنده ثقه في مجموعته انها بإذن الله راح تحسم له المباراة حتى لو قلل من امكانياتهم بتوضيفهم في غير اماكنهم احيانا ليخدمو تكتيكه مثل مافعل مع فان بيرسي و كليفرلي

في امور في مانشستر تدعو للتفائل مثل مستوى جوني ايفانز وسولينق في الدفاع وعودة فليتشر لمستواه و عودة فيل جونز و ان شاء الله فيدتش و كاغاوا عن قريب

وقد يكون السير و مانشستر فقد ناني هذي السنه على الطرف والبارحه فلنسيا ايضا مما دفع السير لاشراك كليفرلي وفان بيرسي في الاطراف

كذا والا كذا

مع اليونايتد على الحلوه والمره

قلوري قلوري مانشستر