|
احمد الفريدي ، اسامه هوساوي ، حسن العتيبي !!
ابي اعرف شي واحد بس
ثلاث لاعبين كبار ونجوم . يلعبون اساسي بالنادي ويلعبون مع المنتخب . راحو كلهم بدفعه وحده !!!!!
ابي اعرف الحين شبيه الريح وش يسوي بالظبط ؟ معليش يعني راح ابو كلبشه الصخره . والفريدي اللي هو افضل صانع لعب محلي وحسن العتيبي .. وللحين مافيه اي رده فعل . طيب اوكيه الحارس عندنا نبي بس رد على صفقه هوساوي والفريدي .. العتيبي خلوه على جنب بس الحين مافيه اي تعاقد ولا فيه شي ؟
للأسف اداره ابن مساعد هدفهم هو لاعبين مشي حالك . مافيه لاعبين محليين على مستوى
طيب الدفاع يعاني نبغا اسامه المولد بأي ثمن مكان ماجد المرشدي . اللي حتى مايعرف كوره وقوانينها
نبغا اسامه المولد ردا على هوساوي . ويحيى الشهري ردا على الفريدي . هذا اللي نبيه وصوتوا معي
يعني الحقيقه اتمنى شبيه الريح يشوف موضوعي مع انه فـ سابع المستحيلات .
حنا جمهور وش ذمبنا يحترق دمنا . يحيى المسلم صفقه محليه فاشله . مع سعد الحارثي
اللهم الشهراني هو الوحيد اللي جبناه بعد المسلسل اللي استمر اكثر من 9 شهور
طيب المولد ؟ هل نستطيع ان نقول فالأحلام ؟ او لا حجه البقر على قرونها ؟
يحيى الشهري طيب ؟ الله يصبرني ويصبر كل شخص عايش الازمه اللي انا عايشها
كلنا فرحنا بكلام الفراج اللي قال فيه ثلاث صفقات الاسبوع الجاي . وقرب ينتهى الاسبوع
وحنا ماشفنا ولا شي !!
العذر والسموحه اذا كلامي ضايقكم . بس والله اني قاعد اكتب وانا محترق
صبرنا بما فيه الكفايه . ماقدر اصبر اكثر من كذا !!
والسلام عليكم
اخر تعديل كان بواسطة » KER-{شاكر}-SHA في يوم » 27/11/2012 عند الساعة » 06:31 PM | 