عزيزي طارق موضوعك على الجرح

أنا كنت أقول مثل كلامك وظايف مثل وظيفة حارس أمن مالها مستقبل

بأعطيك مثال

خالي كان يشتغل حارس أمن في الاتصالات السعودية
وكان رجل عملي ومجتهد بشكل ماتتصوره ولا يغيب أبدآ
بعد فترة تم تعيينه مشرف على حراس الأمن في مجموعته
لأنهم مجموعات وكل مجموعة تستلم 8 ساعات
بعد ما شافوا انه رجل عملي وذكي ومجتهد
تم ترقيته ليصبح مشرف على كل حراس الأمن في مجمع الإتصالات السعودية
وكان مع انه هو المدير كان يحضر قبل الدوام بساعة ويطلع بعد الدوام بساعة
وكانت سمعته منتشرة بشكل كبير
بعدها صار يستلم مشاريع خارج المجمع ويشرف عليها

القصة ما أنتهت عند الحد هذا

الرجل شاف أن طموحه أكبر من كذا

طلع من وظيفته وراح لشركة أمنية
تابعه لأحد أكبر الشركات في السعودية

وكان قطاع الأمن في هالشركة ضعيف وشغله بسيط
وتم تعيينه مسؤول في الشركة الأمنية
بحكم خبرته السابقة وبعض الدورات اللي أخذها أيام عمله السابق
وكانت دورات تطويرية يدفع تكاليفها من ماله الخاص

كانوا ماسكين كذا مول بسس
وكان معه حوالي 100 رجل امن فقط

هو اللي كان يعمل بجهد جبار للشركة
ومدير الشركة ماكان يشتغل مثله

ولأنه أبهر مسؤولين الشركة بعمله تم تعيينه مديرآ للشركة

الرجل عمل بجد واجتهاد وكنا نكلمه اذا طلعنا البر يخاوينا يقول عندي شغل
وكان طول وقته في هالشغل

وصل اليوم بحمد الله إلى أن أصبحت الشركة أحد أكبر شركات الأمن في البلد
كان شغلهم في الرياض بس

الآن ماسكين خمس جامعات على مستوى المملكة وجامعات لها ثقلها وبدون ذكر أسماء
وماسكين عدد لا بأس به من المستشفيات الكبرى
وقبل يومين أجتمع مع أحد الوزراء هو شخصيآ ووقع معه عقد

وأصبح لديهم مايقارب ألفين رجل أمن

كل هذا بدأ من رجل أمن فقط !!!
لاحظ بدأ برجل أمن

وحتى الآن لايملك سوى مؤهل الثانوية العامة فقط !!!!! وبعض الدورات

يدرس حاليآ في الجامعة بنظام الإنتساب وباقي له سنتين ويتخرج

هذا نموذج بسيط للشاب الطموح

فيه مثله أضعه دائمآ نصب عيني
ومن يتهيب صعود الجبال . . . يعش أبد الدهر بين الحفر