مع معاك في ازاله صورة اي لاعب انتقل الى نادي اخر

ولكن اختلف في الكراهيه على لاعب تغنينا فيه كثير ، او انه احد يطلع ويقول هذا لاعب عادي وليس مؤثر ، الفريدي لاعب مهاري امتعنا كثيرا ولاعب صانع لعب من الطراز الاول ، انا والله ما الومه ، احنا في عصر احتراف واللي يدفع اكثر بيحصل لعيبه ، لو اي احد في ها المنتدى جاله عرض من شركة او جهه غير اللي يعمل فيها بزود عشرة الاف كان سحب على الجهه اللي يعمل فيها زي سلام عليكم ، فما بالكم لاعب كل دخله في حياته كامله يعتمد على خمس او سبع سنين فقط .

انا الوم الادارة اللي رفضت ترفع العرض على كلامها ( حتى ولو ريال واحد ) واب اسال على وشو المكابرة وشوفه النفس على اللعيبه ، ترى السوق عرض وطلب ، وزمن الولاء وحب النادي انتهى وراح ، احنا في زمن المادة اللي بيدفع زي ما قلت بيحصل لاعبين .

وبعدين نقطه اخيره ، كم الفرق بين عقد الاتحاد وعقد الهلال ؟؟ معقوله الهلال ما يقدر يدفع 3-5 مليون زياده ويحافظ على لاعبه ؟؟؟ اللاعب له اكثر من سته اشهر وهو يقول اتمنى الاستمرار في الهلال لكن يعطوني مثل اللي عارضين عليه الانديه الثانيه ، ولكن لا حياة لمن تنادى

اعجبني اخر لقاء للفريدي لمن قال : عبدالرحمن بن مساعد مأتمن على الهلال وما يبي يرفع عرضه ، وانا مأتمن على عيالي واهلي ولازم ابحث عن العرض الافضل !!!