إقتباس الرسالة الأصلية كتبت بواسطة عـــ الزعيم ـــاشق مورينهو مدرب مايجامل .. هالشئ معروف عنه .. أقنع كاكا يجلس وبعدها بـ ٦ أشهر قاله دورلك فريق ثاني .. أقنع هيجواين يجلس بس هيجواين ما أدى المطلوب أكيد إنه ماراح يجامل إذا حصله فالكاو ! عالعموم أنا ماقصدت إنه يجي بالإنقالات الشتوية .. أنا الي قلته إن فالكاو لو ماعنده إتفاق مسبق مع تشيلسي وما راحلهم في الشتوية فهو مدريدي ١٠٠٪ الصيف القادم .. وهيجواين هو الخارج في حال قدوم فالكاو ١٠٠٪ .. بالنسبة للدفاع .. من جدك بيبي نكبة ؟ أنا بس أبي أعرف مين في بالك يكون قلب دفاع في مدريد مكان راموس الي ودك ينحط ظهير ؟ كيليني ؟ مستحيل لأن فريقه قوي وماهو محتاج انتقال ومعروفين الطليان ماهمتهم الدراهم .. تياغو سيلفا ؟ توه منتقل لباريس وغالي جداً وراتبه مرتفع .. كومباني ؟ مستحيل المان سيتي يتخلى عنه ومستحيل هو يتخلى عن المان كونه قائدهم .. تيري ؟ مستحيل ومايحتاج أقول ليه ماعاد بقى مدافع صخرة مثل ما انت تبي .. في أحسن من ذول يمسك مكان بيبي أو راموس ؟ راموس مالديني قال إنه خليفته .. بيبي جميع النقاد يقولون إنه من أفضل مدافعي العالم إن لم يكن أفضلهم .. احتياطهم فاران أفضل مدافع شاب من وجهة نظري .. نجيب فوقهم مدافع ؟ حرام .. الظهير شرحتلك بردي السابق إنه مو ركيزة أساسية للحصول على دوري الأبطال .. ودوري الأبطال ماهو محتاج فريق كامل ومتكامل للفوز به .. محتاج مدرب ناجح محتاج لاعبين بروح عالية ورغبة محتاج تركيز كبير من الجميع .. بالأخير أربيلوا مو سيئ لهالدرجة .. هو ظهير أيمن تقليدي .. صحيح إنه بطيئ لكن هالشئ مايعيب الظهير الدفاعي ولاهو واجب يكون سريع .. سالجادو كان بطيئ قبله جاري نيفل من أفضل أظهرة مانشستر وانجلاند كان بطيئ ! يعني خلاصة كلامي إن ماكتب ربي ومافزنا بالأبطال ماراح يكون السبب أربيلوا أو عدم وجود بديل له .. وراح تتذكر كلامي وإن شاء الله نفوز وماتتذكره ابد تحيتي .،،.

حبيب قلبي عاشق

انت اقنعتني في رحيل هقوين وانو مورينهو ماعنده مجامله لكن برضو انا اقصد في كلامي انها صعبه من ناحية انو تقولي اجلس وبعدين تقول لا روح !! هذي الى حسيتها صعبه .. واذا مورينهو مايجامل .. فخروج هقوين مافي اسهل منه والبديل فالكاو ... وكل هذا الى انتا قلته صح .. وبالنسبه لي بيبي .. انا قلت انو في الابطال مع الالمان سجلو هدفين وسببها بيبي .. وقلت نبي ظهير اقوى من اربيلوا حتى لو كان اربيلوا مقبول .. انا قلت ابي افضل منه واربيلوا بديله .. او راموس يروح يمين ويجي قلب صخره .. ماقلت انو بيبي سيء او حتى راموس .. انتا قلت انو لو عندك هجوم قوي راح تجيب الابطال ( وهذا الكلام صح ) لكن انا بس اعطيتك مثل على اهمية الدفاع .. لانك اذا لعبت بالهجوم وكان الهجوم مستواه تعبان على الاقل اخرج بالتعادل والاياب تعوض وطبعآ تخرج بالتعادل اذا دفاعك كان في مستواه وكل واحد يقول الزين عندي .. وبعدين كلنا نعرف انو اربيلوا ضعيف وبغظ النظر انو الى جابو الابطال بي ظهير سيء هذا مو معناتو انو ماجيب ظهير كويس بدال الى عندي ( هذا هو الهلال عنده الزوري وماجاب الاسياوية ) هههههههههه تراني امزح ( للمتعصبين ) فهذا الى قصدته .. الاول انو بيبي ماهو سيء بس اعطيتك مثال انو الدوام على الحال من المحال مهما كانت قوته .. والمعنى ماهو ترا بيبي اذا استمر منت جايب الابطال الكلام بعيد كل البعد عن بيبي .. انا اقولك انو من الافضل انك تحسن الخط الخلفي وطالع اليسار مارسيلو افضل ظهير يسار والاحتياط جيد جدآ والقلوب راموس وبيبي والاحتياط فاران وجيد جدآ اما اربيلوا جيد جدآ لكن مافي الممتاز في جهته .. وعشان كذا يا يجي راموس يمين ويجي احد بداله قلب صخره او انك تختصرها وتجيب ظهير عليه الكلام وبس ... والهجوم اتفقنا عليه انو مورينهو ماعنده مجامله ودا انه مايجامل خلي هقوين يطس ويجي فالكاو ويكون الفريق كامل والكمال لله سبحانه

اسف طولت بالهرج

للجميع
لك عاشق