|
ماجد المرشدي الاعب المخلص للشعار والإعلام المندس وجمهور البلاك بيري
ماجد المرشدي انتقل من الجبلين من احد اندية الدرجة الاولى الى الهلال وكان الجمهور الهلالي يطالب فيه في فترة كان طيب الذكر فهد المفرج وبعد ان اعتزل المفرج الا واصبح ماجد المرشدي احد اهم الاسماء في الخارطه الزرقاء الاساسيه
مهما تغيرو المدربين الا ونشوووف المرشدي اساسي ويقدم مستويات اكثر من رائعه واصبح يوم من الايام احد افضل الاعبين في الخليج وقتها كان لاعبين متميزين مثل بدر المطوع وياسر القحطاني واسامه هوساوي و اسماعيل مطر و علي الحبسي ...لخ وتفوق عليهم المرشدي بكل جدارة وبعد هاذي الجائزه والمستويات المتميزه الا والاعلام المضاد يدس سمه داخل الجماهير الهلالي بقول ان المرشدي لاعب نكبه والهلال بحاجة الى لاعب اخر مع هوساوي
وانا الي اشوفه مع احترامي لبعض الجماهير الهلاليه صارو يحاروبن المرشدي ليبين للبعض ان نظرته نظرت مدرب وانه فاهم كورة والبعض الاخر من جماهير الهلال رايح تجمع لي اخطاء المرشدي ونشرها وبعض (اطفال البلاك بيري ) صار ينشر الرسائل بتقليل من اهمية المرشدي والكابتنيه الممنوح له واذكر تصريح لصالح النعيمه قبل سنتين الله يقومه بسلامه قال لو خيروني من يكون كابتن الهلال لاخترت ماجد المرشدي لما يحمله من حماس واخلاص وتوجيه للاعبين
الي شفته في ماجد المرشدي من حماس وقتاليه لاجل الشعار الي ماشفناه من اي لاعب هلالي على الاقل في اخر سنتين والي زيادة على كذا يجيك اعلامي ماعمره لبس الشورت ولا نزل الميدان ويتكلم ويقيم
والله ان ماجد المرشدي مظلوووم حقه الي يبي يشووف ماجد المرشدي كيف مبين اثره يشوف مباراة الهلال والغرافه الشهيره 4-2 الي غاب فيها ماجد ..!
شي طبيعي ان يكون المدافع عنده اخطاء بس لازم نوووقف مع لاعبينا ولا نصدق اي اعلامي مندس يتكلم في مستويات الاعبين بسبب كرت اصفر ..!
والله يكتب الي فيه الخير لهلال ولماجد المرشدي   | 