هاردلك جمهور ارسنال

بس سؤال للي غاثينا برامزي

وش تحس بوه ؟؟

قايلها من الاول وبتم اقولها للحين

وجود رامزي كأساسي في التشكيله دهورت الفريق من فوق لتحت
قلتها ان وجود رامزي يعك بجو الفريق ويعك بجو كازورلا بالاخص

لاعب يقتل جو الفريق يقتل رتم اللعب السريع يقتل الهجمات المرتدة اللي متعودين نشوفها

وبنفس الوقت تغطية دفاعيه زي وجهه

والله ثم والله لو فينجر ملعب كوكلين ومعطي اللاعب فرصته بغياب ديابي وجاك كان مستوانا افضل
او على الاقل يلعب بـ تشامبرلين كمتوسط ميدان مثل مباراة ميلان واثبت انه لاعب جوكر

هدف ساذج من الحارس مانوني وخطأ في التغطيه والمراقبة من برج المراقبة ميرتساكر

سانتوس ارتيتا كازورلا

افضل من لعبو اليوم سانتوس كل مره اشوفه يثبتلي انه برازيلي اصييييل لاعب صاحب لمسة وحده
فكر عالي ولمساته سحريه ويفتح اللعب لكن ناقصه المشاركه بإستمرار لان واضح عليه لياقياً سيء

ارتيتا وكل يوم ارتيتا نجم الفريق ولاعب لا يخطئ يستلم الكوره تحس بأرياحيه

كازورلا مالومك اليوم ماقدرت تسوي شي دام وجه العنز رامزي واقف جمبك
ودام الجبهه جيرفينهو واقف على الخط ومو قاعد يعطيك حلول انك تلعب باص خلف المدافعين
ونفس الشي لبودولسكي اللي قل عطائه
لكن كازورلا انت من الخيال فقط لاغير يبيلك اطراف تفتح لك اللعب ومهاجم يدور من خلف المدافعين


بشكل عام المباراة كانت ملل بشكل ماكنت اتصوره فقط كنت استمتع اذا الكوره بين اقدام كازورلا وارتيتا وسانتوس
عكس اني استمتع بفريق كامل

واللي مو قاهرني ورفع ضغطي وجابلي الصداع ذا المعلق المصري والله ياهو سيييييء وجبلي غثيان كملت المباراة بالتعليق الانجليزي

الفريق يحتاج الى مهاجم في الفتره الشتويه قلتها مستحيل جيرود يلعب جميع المباريات لانه هو رأس الحربه الوحيد في الفريق جيرود لاعب رائع وينتظره الكثير لكن وجود هجوم بديل شي مهم اجل فريق مافيه الى رأس حربه واحد

ارشافين خارج اسوار النادي داخل اخر ربع ساعه ماوده يتحرك تحسه لاعب ثلاث مباريات كامله

وجوود جاكي اليوم في الدكة تفتح النفس

لاعب واحد اليوم يوم شفته تمنيت اشوفه كل مره ( جنابري ) هذا اللي لو يستمر بس بينسينا الجبهه جيرفينهو الشاب الالماني والله مستقبل دخل وتحرك وجرب اكثر من مره ولعب كوره لفريمالين اللاعب اشتغل ويبيله يشتغل اكثر لان جيرينهو وبودولسكي وتشامبرلين ليسو في حاله ثقه بكل مباراة

على العموم هاردلكك شباب وبكل امانه الفريق ماكان يستحق اكثر من الهزيمة ( تأملوها )

موفقين يارب