|
خطوات ستعود هيبه الهلال اذا تنفذت وتسجعل الهلال يعود سابق عهده !!
قلت مثل كذا مره لكن هالمره راح اضيف أشياء اخرى
من زود الحماس كتبت ولا فكرت بشي ناسيه او مو شايل بخاطري فيه . بس هالمره راح اضيف النقاط اللي فاقدها الهلال .. و100% راح يرجع هلال قرتس واقوى منه وترجع هيبه الهلال ونتأهل للعالميه باذن الله
مع تنسيق كلا الاجانب اللي مستواهم اقل من الهلال
1- تعيين سامي الجابر مدرب للهلال
اول شي هو عربي وعارف الهلال وله اكثر من 30 سنه مع الكيان
ودرب الهلال مبارتين الموسم الماضي امام النصر والاتحاد وكلكم لاحظتو الانسجام السريع والمتسوى والنتيجه والروح . ضروري سامي الجابر يرجع للهلال ويكون المدرب لانه يعرف الهلال اكثر واحد
2- احظار مهاجم من جنوب افريقيا ويكون اسمر اللون
والله كثير قالوا وش معنى يكون اسمر وليش من جنوب افريقيا بالذات
اول شي المهاجم اللي يجيكم من جنوب افريقيا الا يكون مهاجم مرعب لا يعرف الا المرمى
طبعا كل اهل جنوب افريقيا سمر . فـ بعض الأمثله ايتو اللي كان ماسك برشلونه كله وشايله فوق
واخذ افضل مهاجم في العالم من جنوب افريقيا واسمر اللون وحقق انجازات كثيره جدا ماتتخيلونها
كذلك دروقبا اللي شايل تشيلسي الانجليزي ومن افضل المهاجمين في العالم وحقق انجازات كثره جدا
ايضا من جنوب افريقيا . وماننسى المهاجم اللي لعب بجوار ياسر القحطاني في العين الاماراتي
من جنوب افريقيا ومهاجم خطير جدا وكانت احد الخيارات الهلاليه قبل .
برأيي افضل من ياسر بـ مراحل عديده جدا .
3- صانع لعب برازيلي
كلكم عارفين البرازيليين في دور صناعه اللعب . حماس وروح واداء
فـ نيفيز احدى المواهب البرازيليه اللي مرت علينا . وبعض الامثله
وافضل دوله تلعب بصناعه اللعب هم البرازيليين وانا ارشح برازيلي بدور صانع لعب
4- محور اوروبي مقاتل ( دفاعي )
محور اوروبي مهم جدا فـ رادوي احد الامثله .. الاوروبيين لهم ميزه في قياده الفريق
شرطا ان يكون دفاعي بسبب ضعف الخط الوسط الدفاعي لدى الهلال .. فانا ارشح محور اوروبي دفاعي .
4- قلب دفاع اسيوي استرالي
ضروري جدا جدا ان يكون قلب دفاع استرالي .. بتقولون ليش استرالي بالذات ؟
اول شي كلكم عارفين بأن الاستراليين يمتازون بـ طول القامه . قوه جسمانيه
وعارفين وش دور الطول والقوه في الدفاع مهمه جدا جدا
فـ كان احدى الخيارات الهلاليه ( ساشا الاسترالي ) واخذ افضل لاعب ومدافع في اسيا
من اجل كذا قلت استرالي . فأنا ارشح ساشا
5- ارجاع اسامه هوساوي
ارجاعه ضروري جدا على الاداره ان تتحرك ولا تتفرج
اندرلخت قرر انه يستغني عنه والاهلي والاتحاد قدموا له عرض
ضروري جدا اننا نرجع ابو كلبشه قبل لا يفوت الاوان . وايضا مهم جدا عودته فالهلال بحاجه اليه
وهو بحاجه لنا
-----------------------------------------------
وتـكـون تـشـكـيـلـه الـهـلال كـالتـالـي :
عبدالله السديري
سلمان الفرج .. اجنبي استرالي .. اسامه هوساوي .. ياسر الشهراني
محور اوروبي
احمد الفريدي
نواف العابد .. اجنبي برازيلي .. سالم الدوسري
اجنبي من جنوب افريقيا
---------------------------------------------
وبالاخير اتمنى اني افدتكم واللي عنده اي اعتراض ياليت يقولي السبب
واتمنى انه يوصل لأي اداري هلالي ويوصلها لـ شبيه الريح تكفون وصولها له
الهلال بحاجه لـ هالخطوات علشان يعدل ثغراته وترجع هيبته ويرجع هلال مثل اول واحسن بكثير
انا لـي اكثر من 25 سنه اتابع الهلال في المدرجات والتلفزيونات . واعرف الهلال واعرف كل شي فيه
وسلامتكم احبابي ،،، [/COLOR]
اخر تعديل كان بواسطة » x5BRH في يوم » 11/10/2012 عند الساعة » 05:10 PM | 