كيف أحوّل تحكّم FIFA13 إلى نفس تحكّم PES ؟ أرجو المساعدة ؟ اذا مافيه طريقة اللي يبغى الشريط كتبديل مع PES13 ياخذه ؟
السلام عليكم ورحمة الله وبركاته : يا أخوان كيف حالكم طيبين ان شاء الله . انا مشكلتي العب بيس PES منذ فترة طويلة من ايام سوني1 و2 وحتى 3 من اصدار 2009 تقريبا لكن هالمرة حبيت اغيّر واشتريت FIFA13 لان العالم يتكلمون فيه من الاصدار السابق وللتطور الكبير الحاصل باللعبة من تعليق عربي والآن دوري سعودي وتحديث بيانات للاعبين مستمر بشكل شبه يومي او يومي حسب مستوياتهم الحقيقية وهذي ميزة حلوة ، آآخ يا بيس ليش ماتسوون هالاشياء والله لو تسوون هالاشياء كان مايخلونكم محبي اللعبة لكن للاسف   !!! بصراحة اللي شدني واعجبني باللعبة طريقة التحديث المستمرة كأنك تلعب مباراة حقيقية !! يعني انا اخذت الهلال جابوا لي مبارة الاسبوع هذا ضد الوحدة وخارج ارضي  !! ويعرضون لي نتايج نجران والاهلي والتعاون والاتحاد جعل قطبي جدة ينهزمون دايماً !! وميزة ثانية بيانات الفرق واللاعبين متغيرة مرة ترتفع ومرة تنزل حسب مستوى اللاعب والفريق . بصراحة طريقة جداً رائعة تحسسك باللعب الحقيقي وفيه مزايا اخرى بالتحديث افضل من البيس اللي تحديث مرة بالشهر مدري كم ؟ لكن للأمانة يبقى كرسم وجرافيك وبيئة لعب وتكتيك أشوف من ناحيتي PES أفضل !! لكن FIFA كتسجيل للاهداف وفرص ولعب أسهل !! واستغرب اللي كان يقول PES سهل والتسجيل فيه سهل !! بالعكس يا حبيبي الفيفا جدا سهل واي انفرادية تقريبا قول !! عكس البيس !! المهم انا لعبت بالشريط FIFA13 بس متعود على تحكَم PES والتحكَم في FIFA هبل فيني !! فاللي عنده طريقة اخلي اليد بنفس طريقة تحكَم PES حتى من ناحية مهارات وسرعة وسيطرة ياليت ما يبخل علي ؟ اذا مافيه طريقة اللي يبغى يبدل اللعبة معي بشريط PES13 انا حاضر . والله يكتب اللي فيه الخير . | 