انا بعلق على جزئية بالبيان اللي قدمه لنا رئيس النادي..
جزئية البطولة الاسيوية وصعوبتها !!
هل الاداره فعلت كل ما يمكنها فعله ؟ هل تعاقدنا مع اجانب على مستوى عالي ..
دعونا نرى اجانب الاهلي على سبيل المثال بحكمه يشارك بالاسيويه وترشح للنصف النهائي بسهوله!
فيكتور - الحوسني - بالومينو - موراليس ..
اجانب الهلال : ويسلي - مانقان - هرماش - يو
اعتقد الاثنين يو ومانقان ما يستحقونه البقاء لدقيقة وحده بالنادي !
الاول مدافع سيء جداً بطيء ثقيل بالحركه ثغره واضحه بدفاع الهلال ..
الثاني مهاجم مفترض يكون هداف وتعاقدنا معه على انه هداف الدوري الكوري لكنه مهاجم محترف بتضييع الفرص امام المرمى !
هرماش ايضا عليه شوية عتب لكن على الاقل يمشي الحال ..
للأسف الاداره مادري هل ما عاد تبي تصرف مثل اول ولا كيف ..
اذا زي ما قلت ما ودها تصرف تعطي الفرصه لغيرها وكثر الله خيرهم ..
والمدرب للأمانه تعاقدو مع مدرب جيد لكنه جاء متأخر جداً!
الاداره تغيرت كثييير وتتخبط كثييير ..
والقهر انهم يصعبون الاسيويه والله سهله لكن انتم ما تبون العمل .. الهلال فريق كبير وقادر كل عام ينافس على البطولة ويحققها لكن وين اللي يعمل ..
الله يكون بالعون !
شكراً
