06/10/2012, 07:53 AM
|
 | زعيــم فعــال | | تاريخ التسجيل: 09/12/2011 المكان: كندا
مشاركات: 264
| |
عارفين النومه الى من بعد الدوام لين اخر الليل !! هذي عاد فاتتكم  معليش وهب توني صاحي
المهم الحديث عن الكلاسيكو صار في كل مكان بالعالم وبكل الطرق واكثر الكلام عن مورينهو وكيف راح يلعب بالكلاسيكو .. كل شايف دفاع البرشا وواضح وضوح الشمس انو دفاع جدآ سيء ومن وجهة نظري حتى مع وجود بيكيه وبيول .. لكن برضو لازم الحذر لانو عدم وجود قلوب الدفاع مو معانا مافي احد بمركز الدفاع حتى لو ماهو مدافع .. وايضآ مدرب برشلونه عارف انو اضعف مركز عندو الدفاع وبرضو عارف انو مورينهو ملاحظ ذا الشي واكيد انو يفكر بقلب الطاوله على مورينهو اذا مورينهو فكر واكل الطعم .. واستعجل وهاجم بكل اوراقه .. وبصراحه مورينهو ماراح يفكر يهاجم بالقوه الى الكل يتكلم عنها وماراح يتسرع ابدآ وراح يلعب بطريقته ( وممكن يزيد الهجوم شويه ) .. وفي نقطه حبيت اوضحها والى هيا انو اذا هاجمنا بسبب ضعف دفاع البرشا .. وضيعنا الفرص كالعاده هذا راح يعطي افضليه لي دفاعم او نسبه اقوى .. ونذكر بالكلاسيكو الاخير لعبنا فيهم اول 35 دقيقه وبعدين سجلو هدف وكانو قريبآ من الثاني وهم مطرودين ماقدرنا نزيد هدف ومع غياب الفيش .. هذي العوامل برضو تصب في صالح البرشا واكيد هما يفكرو كذا .. راح يقولو احنا دفاعنا ضعيف والريال يهاجم كثير ويضيع بالهبل وكأنك يابو زيد ماغزيت .. الكلام الى قلته اكثر شي لازم نفكر فيه .. البرشلونيين عارفين نقطة ضعفهم وهوا الدفاع واكيد ومليون بالميه ماراح يوقفو مكتوفي الايدي ومورينهو ماعتقد انو يغتر بضعف الدافع ويهاجم .. واذا هاجم صدقوني لانو هوا يبغى كذا مو عشان نقطة ضعف دفاع برشلونه .. واخيرآ احسبوها بهذي الطريقه انو البرشا ضعيف بالدفاع ( ومو معناتو بيلعب بدون دفاع ) و (الريال لمن يهاجم ويضيع كثير راح تختفي ضعف دفاع البرشا) وتذكرو انو مع الطرد وغياب الفيش كانو قريبآ من التعادل مع اننا في البدايه حشرناهم ...... وبالنسبه للتشكيله انا ماقدر اقول الاسماء الى ممكن تلعب لكن برضو انا عندي وجهة نظر وراح اشارككم فيها .. اول شي الدفاع والحارس ماراح يتغير فيه شي .. لكن الحديث كله في هل يلعب المو بي محورين او 3 وراس الحربه بن زيما او هقوين ؟؟ وراح ابداء راس الحربه .. بصراحه كلام يسوف صح بن زيما يتحرك كثير ويفك الفرق الدفاعيه وهقوين تمركزه يتعب البرشا لكن ضياع الفررص مشكلته .. لكن برضو ماتفق انو مورينهو يلعب بي كرستيانو لانو هذي اهانه للهجوم الاثنين .. والى راح يلعب اكيد على حسب الفريق والتكتيك الى راح يلعب في مورينهو .. وبالنسبه لي كرستيانو راح يكون يسار ودي ماريا يمين ... والكلام كله بالتشكيله عن الثلاثه الى بالنص .. اول شي الونسو مفروغ منو .. ووجهة نظري هي انو مورينهو ماراح يلعب بي صانع لعب وراح يلعب مع الونسو خظيرا وايسيان او خظيرا مودريتش او ايسيان ومودريتش .. طلب لو لعب مودريتش راح يكون عشان وسط الملعب اكثر من الهجوم والدفاع .. زي ماقلنا دفاع برشلونه ماعليه خوف وراح نوصل للباب بسهولة لكن مشكلتنا علينا نسجل من الفرص الى تسنح لنا وهذي هيا الطريقه الى اتوقع المو راح يلعب فيها .. راح يحافظ على بابه اولآ ودام البرشا سيء بالدفاع فاكيد انو اي هجمه هدف واذا ماتسجلت فـ على الاقل مايتسجل فيها ... وزي ماقلت انو اول بالطرد كانو بيسجلو التعادل .. وكمان نقطة ضعفنا هيا الكرات الثاتبه ولازم نخاف منها .. سوا لعب الونسو وخظيرا وايسيان راح يكون العب زي السيتي وكان اللعب هوا ( وبنضيع الفرص ) وحاشرينهم في ملعبهم .. او مودريتش راح يلعب مكان خظيرا او ايسيان ويكون فيه قوه من الوسط للهجوم بسبه اكبر من وجود خظيرا وايسيان سوا .. وانا اتمنى المو يلعب بي ايسيان وخظيرا مع الونسو والسبب عدم تقدم الفيش واذا تقدم مايحتاج رجوع كرستيانو مع وجود ايسيان بالتغطيه وبرضو دي ماريا راح يرتاح من مساندة اربيلوا مع وجود خظيرا .. اما لاعبين البرشا .. مافي غير ميسي الخطر مع اكسافي .. وهذي على راح يتكفل فيها المحاور مع القلوب وبكذا الضغط حاصل على برشلونه بالكامل .. اكيد ماراح يهاجمون كلهم مره واحده الفيس من اليمين مع وسطهم وهجومهم .. وهذا اقصد فيه انو المحاور تساند في تغطية الهجوم من الخلف او التمريرات من اكسافي .. وبالنسبه لي الهجوم .. ماعندك احد اللهم ميسي وبالوسط اكسافي .. واينستا توه راجع وماراح يكون بكامل قوته وفابري نازل مستواه وسجل بالابطال واشسبيليه وقالو انو رجع ( مع نفسك ) الريال ماهو اشبيليه ولا بنفيكا وهذا كلاسيكو .. .. وفي نقطه اخيره .. ودي مورينهو يلعب ايسيان ظهير يمين ويلعب بي مودريتش وخظيرا والونسو بالوسط .. والكلام الباقي الان على اوزيل الى ماقول غير الله يستر منه ولو مالعب الكلاسيكو ماراح ازعل لانو مستواه يخوف ماهو اوزيل خوينا .. ومودريتش اتمنى يلعب لكن يامحور او احتياط .. واخر لاعب كاكا .. اذا المو راح يلعب في صانع لاعب مافي غير كاكا الان يستاهل وبصراحه هذي فرصته وجاته .. لانو اوزيل زي ماقلنا ماهو خوينا ومودريتش تعرف انو يبدع لكن ماتعرفه بالكلاسيكو وصعب يلعب اساسي وخاصتآ اذا صانع لعب .. لانو حيكون هوا الوحيد الى يصنع واذا مابدع مشكله لكن لو محور فـراج يكون معه محورين .. وكاكا من مباراة الـ8 صفر وعودته لي البرازيل ومباراة اياكس كلها اسباب تخليه يلعب لانو بدع فيها كلها وبرضو اللاعب لمن يلعب وهوا من نفسه يحس انو قدم ورجع لمستواه وكمان تلعبه راح يجتهد اكثر واكثر ويلعب بحماس اكثر وايضآ هذا هوا مورينهو وهذي هي فائدة المداوره بين اللاعبين .. وبكذا انتهيت من الى عندي واسف جدآ جدآ على اللخبطه وكثر الكلام .. لكن صدقوني هذا منكم كل ماجي بكتب شي القى الكل يتكلم عن نقطه انا بتكلم عنها او حتى في اشياء كثير بتعلمها هنا بالرابطه .. اسف على الاطاله والنقد متاح للجميع 
للكل  |
