كل إنسان له أفكار و أساليب و طرق و قد تكون على أسس جيدة لكنها لا تحقق النجاح المطلوب ..

إدارة الهلال عملت كل ما إعتقدت أنه صحيح حسب الظروف المتاحه لهم .. لا نشك في ذلك

لكن خلاااص ربنا ما كتب لكم التوفيق مع النادي و النتائج التي هي خلاصة العمل أقل من الطموح و بكثير ..

رؤساء دول تكفيهم 4 سنوات يغيرون في بلدانهم ..

الإدارة لها الآن 5 مواسم و كلها بإستثناء موسم وحيد فقط تعتبر عاديه جدا و ما ترضي طموحات الهلاليين .

العزف على وتر نحن أبطال آسيا و أكثر من حققها و و و .. هذا أنتظره من صحفي أو إعلامي مو رئيس النادي !!

رئيس النادي مطالب بتحقيق النجاحات في الوقت الحالي لأنه جاي لأجل كذا و الا بلاش من التعب و نقعد نتغنى بالماضي أصرف !!

الإدارة تتعامل كإن النادي حقها .. و هذا غلط و خربطة لأن الهلال أكبر من الإدارة و من الرئيس و هو ملك لجمهوره

لو مو جمهور الهلال ما جات موبايلي و لا غيرها .. ما جات لخاطر رئيس او إدارة .

لذلك إحترام الجمهور مو بالكلام بالأفعال .. إدارتنا ما فيها قائد و الرئيس بكل صراحة يصلح يكون مدير مالي مو رئيس نادي !!

عقود رعاية + تجهيز مقر النادي + تسويق ,, كلها أمور ممتازة لكنها لا شي إذا الفريق سئ و سئ جدا

لاعبين يوصلون للـ 6 شهور و وضعهم مو واضح .. مدرب يجي متأخر .. أجانب عاديين .. كل هذي أخطاء إدارية فادحة تأثر

بالتأكيد على مستوى الفريق و روح اللاعبين و تماسكهم .

إدارتنا تفتقد الحسم .. فريدي يروح او يقعد المفروض الموضوع منتهي من سنة !! تخليه يلعب بأعصابنا و اكيد زملائه اللاعبين

ينتظرون وش بيصير عليه لأن بالنسبة لهم المماطله تنفع مع إدارتنا الضعيفه و غير الحاسمه .

مدرب متأخر .. شوف الاتحاد مدربه من نص الموسم الماضي .. و الاهلي و الشباب .. احنا للأسف بدينا نمشي بخطوات جار النكد

كل شي لخبطه و اجتهادات تحكمها المواقف المفاجئه و بس .

القائد لما يدخل معركة ما يعطي لنفسه اي احتمال غير الفوز .. و احنا قبل كل مواجهة قوية يطلع لنا رئيس النادي او احد اعضاء الاداره

بكلام بايخ يجيب الضغط " اذا فزنا فحنا ابطال و اذا انهزمنا تراهم ابطال بعد !! " لا يا شطار هذي ما تنقال حتى لفريق ابتدائي !!

أنا ألعب للفوز و بس و ما عندي خيار غيره و ادخل للمباراة و ما عندي اي خط رجعه اما اصرح و امهد للخسارة و اقول الفريق بدون روح !!

أكيد بيكون بدون و لا مستوى و بينكسر بسهوله بأول موقف صعب بالمباراة لأنه مجهز نفسه ان الخسارة واردة .. و هذا أسلوب الضعفاء

أما القيادي أبدا ما يشوف أعذار ما عنده الا خياريين يا أفوز أو أفوز لو يقلب الملعب دم

انا أرجو إن الإدارة تحترم نفسها و تقدم الإستقاله الجماعية و ألف شكر بذلتوا مجهود لكن الله ما كتب .. لكن إنكم بتحتكرون النادي

كمان 3 سنين قدام فمعليش أنا إنفقعت مرارتي من المكابرة على الغلط إشبعوا بالهلال لحالكم و يجي يوم و يرجع النادي لجمهوره .