إقتباس الرسالة الأصلية كتبت بواسطة XمقتـamalـــولX من الرساله واضح انك ناوي تستمر .. مابيدنا نقول الا صبر جميل والله المستعان ترى نتيجة اولسان ماهي الا تتويج لوضع مزري .. لذلك خلنا نتكلم بعيد عن نتيجة هالمباراه عشان لاتقول الجمهور متشنج وعاطفي :/ اسمح لي يبو فيصل هالكلام المنمق هو اللي صرنا ننتظره منك !! 4سنوات وانت تعيد نفس الكلام .. أعتذر وأعدكم أعتذر وأعدكم والنتيجه نفس الاخطاء كل موسم .. ممكن تقولي وين العطاء والجهد المبذول ؟ نكون صادقين مع انفسنا ومعك .. موسم جيرتس فقط .. كان الاعداد ممتاز الجهاز الفني ممتاز المحترفين ممتازين علمت الانديه كيف تشتغل وبدل ماتبدأ خطوه للأعلى اسهمك هبطت هبوط حاد موسم ورى موسم لين وصلنا لهالحال ابو فيصل خلك صريح مع نفسك ياصديقي .. اذا فقدت الرغبه والحماس والدافع فيه غيرك متحمس ويبي يخدم الهلال بعيونه بس انت اعطه فرصه .. يمكن مكانتك الاجتماعيه تخلي البعض يجامل ويتملق ولايعطيك عيوبك كامله لذلك انا واثق انك انت اقدر شخص تقدر يمتلك اجابات شافيه ووافيه لك وللجمهور الهلالي أختلي بنفسك وفكر .. هل مازلت قادر على العطاء ؟ هل مازلت املك افكار لمستقبل الهلال ؟ هل لدي الدافع لدفع المزيد من الاموال للنادي ؟ هل استطيع ان ارفع من سقف الطموح والاحترافيه ؟ هل استطيع لم شكل اعضاء الشرف مره أخرى حول ناديهم ؟ هل استطيع استعادة روح اللاعبين وهيبة الهلال المعروفه ؟ والسؤال الاهم هل استطيع اسعاد جماهير الهلال ؟ هذه اسأله مهمه جداً تقدر تسألها لنفسك وتفكر وبعدها تقرر هل تستمر رئيس للهلال او تترك فرصه لغيرك .. كجمهور الاجابه على هالتساؤلات ستتضح لنا من خلال العمل القادم استمرارك على لاعبين محترفين من طقة مانغان وبيونغ وهرماش صفقاتك المحليه المخجله لو استثنينا ياسر الشهراني تعاقداتك القادمه للفريق سواء كشركاء او مدربين او فريقك الاداري كل شي راح يبان لنا كجمهور .. سواء اجتهاد وعمل منظم بطموح عالي او تخبطات وقرارات لحظيه مسكنه !! ساعتها الخطاب راح يتحول من خطاب حضاري لخطاب همجي ماراح يرضيك و أنت تعرف نهاية صبر الحليم .. بالنهايه شخصياً احبك واحترمك وكلنا معك اذا شفنا منك حرص وجهد وعمل لكن نحب الهلال اكثر منك ولانقدر نشوف هالتخبطات ونسكت اللي قاعد يصير في الهلال الان خزي وعار على الصعيد الاداري تحرك يبو فيصل في الحركه بركه .. الجاسر ماراح يفيدك كثر مايزيد الجمهور حنق وتعصب لأنه بإختاصر ماغير يهذري !! #ومضه فيصل ابو اثنين تركي العواد نواف التمياط محمد الدعيع حاول تستفيد منهم وتدخلهم النادي حاول #ومضه ثانيه رجع أعضاء الشرف للنادي يبو فيصل

بصراحة كلام وافي وشافي لم تدع لي ماقوله ..

وانا أويدك وبشدة على الومضة الأولى فيجب اتخاذ مستشار أمين

للنادي من شاكلة ما ذكرتهم ، وبالذات نواف التمياط لأنه يصعب حضوره للنادي

بشكل دائم لارتباطه بالتحليل الرياضي ولكن لا يصعب التواصل معه واستشارته

لأنه بكل بساطة انسان مثقف وفاهم ومخلص للنادي .. وان كنت أرى وبشدة تواجد

الكابتن فيصل أبو اثنين كمدير اداري في الفريق .. والله يصلح الحال ...

دمتم بود ..