إقتباس الرسالة الأصلية كتبت بواسطة د.مروق يالغالي وش فيك معصب انا عضو بمجلس الجمهور الهلالي وحضرت المباراة انا والعضو اخوي فيصل العقيلي وكان حاضر امين مجلس الجمهور سامي العتيبي والرابطه ماتحضر الا للفريق الاول والمجلس ايضا يعني الاهلي حضرت الرابطه اللي بتساند الهلال امام اولسان وش فيك معصب الجمهور يحضر ولكن يبي يتفرج مايبي يشجع ولا يتعب نفسه وان قلنا ياشباب يرحم والديكم ساعدونا نبي نسمع اصواتكم ولا تصفيقكم قالو على كيفكم اجلسو مانبي ازعاج نبي نتابع بروقان يعني لاتعصب وتتكلم وانت مو شايف وش يصير الله يصلحك بس ويوفقك وششكراا لك تقديري لك

يعطيك العافيه أخوي
ماني زعلان لكن أستفزتني رابطة الأهلي في نادينا والهلال الأولمبي بدون رابطه صراحه شيء يقهر
واللي يقهر زياده رابطة الأهلي تردد أنا ملكي والأهلي ملكي بصوت عالي والكل سمعه وهم في نادينا ولاهامهم أحد!!
بعدين ياخوي أنا ماتكلمت عنكم أنا طالبت من أدارة الهلال أنه يكون عندنا رابطه ومجلس في كل منطقه
هل هو شيء صعب أنه يكون عندك رابطه مميزه وهل يعقل نادي كبير مثل الهلال لاتوجد له رابطه
أتمنى انه توضع ميزانيه خاصه لكل موسم وتكون لرابطه ومجلس الجمهور وتكون الرابطه ومجالس الجمهور تابعه لنادي
وفي كل منطقه ويتم الأجتماع بهم بعد كل ست جولات أو أكثر ومحاسبة أي رابطه تقصر
صدقني أذا وجدت روابط للهلال في كل منطقه راح يكون فيه تنافس كبير بين هذه الروابط أيهم أفضل رابطه
وأبتكار أفكار للمدرج وكله راح يرجع لخدمة الهلال
أما بخصوص الجمهور أعرف أنه مافيه تفاعل من الجماهير وخاصه جمهور الرياض لكن صدقني أذا وجدت رابطه حلوه
ما أنت بحاجه للجمهور والجمهور الرابطه هي من تحركه وأكبر مثل مباراة بونيودكور الأوزبكي وتفاعل الجماهير معها
خلها تجي رابطه صح وشوف كيف يكون التفاعل بس الأهم أن تهتم أدارة الهلال بالرابطه ومجلس الجمهور مثل الأنديه
الأخرى
وشاكر لك أخوي مرورك