ماراح اتكلم عن بعض المطبلين اللي يطبل للاعب بيوم عزه ومستواه الحقيقي
ويوم يكون مو في يومه يتهجم عليه مره وحده ...

كوسيلني ابو النكبات , اللاعب النكبه و .. و.. الخ

مادري ناسين هالكوسيلني انه شايل دفاعكم شيل الموسم الماضي لحاله اصابات فيرمالين وميرتيساكر في ذاك الموسم
خلتني اقول بنفسي فيه رجل يعتمد عليه في الخلف

اللي سبيتوه يا البعض من الاعضاء هو اللي فرحكم في الجولة الماضيه ضد المان سيتي وطيرتوه فوق

على العموم انا ماتهمني العقول الضعيفه ... ثقتي باللاعب كبيره لدرجة انني اثق بوجوده اكثر من ميرتساكر
(وفيرما احيانا)

لكن اللاعب لم يكن في يومه نعيد تكرار الهدفين
لو فرضنا ان لويز احرز الهدف بيقولون ( كوسيلني مخلي لويز لحاله ومغطي توريس )
كلنا شفنا الهدف والاعاده لويز وكوسيلني وتوريس اثنين من تشلسي وواحد من الارسنال
كوسيلني مشغول بمراقبة اثنين من اللاعبين ليش محد يلوم لاعب ثاني غير كوسيلني على ترك لويز حراً داخل المنطقه ؟؟

الهدف الثاني شبه بعيده عن كوسيلني حاول بقدر الامكان ابعادها لمس الكوره لمسه لم تغير امسار الكوره من (برا الى داخل الباب)
هيا هيا جوا الباب

لكن كيف الكوره توصل داخل الـ6 وارضيه من غير مايلمسها اي لاعب ويبعدها قبل توصل للاخير كوسيلني ...!!
اقلها لاعب يضع قدمه قبل تلمس الارض وتدخل للاعب الاخير
وفيكم تعيدون الهدف مليون مره لو لم يلمس كوسليني الكره
لكانت ايضاً هدف وراح يلومون مانوني << للعقول اللي ماتفهم وتحط الذنب على اي واحد عشان يبرر هزيمته

كوسيلني من القلب انت رائع واليوم موب يوم اللاعب مع انه اقتطع كرات وتحصل على تقييم 7
كلنا نعرف من هو كوسيلني فقط لاغير ...

نجي للفريق ككل ؟؟

هل هذا ارسنال من بداية الموسم !!

سؤال محيرني وابي جواب له من صار يستمتع بكازورلا ؟؟

او بطريقة اخرى .... مين اللي مقتنع ان رامزي اساسي بجانب كازورلا

بعيداً عن هفوات وغباء اللاعب احيانا رامزي قدم مستوى لا بأس به
لكن هل يستاهل يطقها اساسي على حساب ارياحية كازورلا

سانتي كان ماخذ الملعب كله له ومرتاح فيه الان رامزي عاك في الكوره وماخذ حيز في وسط الملعب
اساساً رامزي لاعب وسط صانع لعب كيف فينجر يحوق فيه ويلعبه طرف يمين ويعطيه ارياحيه للنزول للعمق ؟؟

من يوم شفت رامزي اساسي في المباراة هذي واللي قبلها شفت تدهور في مستوى كازورلا
ماهو اللي كان يلعب من بداية الموسم

وجود تشامبرلين + والكوت + جيرفينهو + بودولسكي جميعهم لاعبين اطراف

بودولسكي حجز مكان اساسي كطرف ايسر
طيب جيرفينهو ليش لعبته راس حربه مع ان اللاعب مو مأدي فيه ليش جيرفي مايلعب طرف يمين
ويجرب والكوت اللي زاق بالجو يبي راس حربه ياخي جربت جيرفينهو جرب والكوت
جيرو لاعب مثابر متحرك يحاول يسوي شي لاعب مجتهد رغم الفرصه اللي ضيعها لكن اهنيه على تحركه وتمركزه
اهنيه على تسديدته اللي ضربت بقدم لويز وكانت بتجي قول لكن براعة تشيك منعتها

جيرو لازم يلعب راس حربه حتى لو ماسجل بيسجل حتى لو ماسجل يصنع فارق في التحرك في الضغط على الدفاع في العوده في الاوفرات والتغطيه يمتكلم لياقه خرافيه ورأسيات وارتقاء وتحضير جيد

ارتيتا يلعب وحيداً اليوم افضل لاعب حتى الان الى جانب جيبس وجينكسون
ارتيتا وفقط من يستاهل نجومية المباراة

كازورلا احس وده يسوي شي لكن الله يسامح فينجر يوم صار ينزل رامزي

بأقل مجهود ومستوى ضعيف لجميع عناصر الفريق الى اننا كنا بنفوز على الفريق الاقوى
واللي طايرين فيه بالعجه هدفين كلها اخطاء بايخه
وبنفس المستوى واقل مجهود تعادل ضد السيتي

متفائل الى الان بالفريق لكن لاشوف رامزي اساسي بديل على العين والراس تنزل تسوي شي انا معك لكن من بداية المباراة وتعك في جو كازورلا والكوره لا يا حبيبي
يخرب جو متعتي كازورلا

المهم طولت سوري بس فيه عينات من المشجعين غريبين ياخي
احلف وابصم بالمليون لو مرتساكر هو اللي مكان كوسيلني ودخلت هذي الاهداف
بيقولون نفس الكلام عنه

موفقين يارب ومعوضين خير وتفائلو خير