مباراتنا مع كالياري بتحدد مسار الفريق , اذا فاز وقدر يلقط الثلاث نقاط بعدها الفريق بيمشي ويسلك الطريق المعهود للمراكز المتقدمة , لكن ! في حال الخسارة عاد ذي من جد بتكون مهزلة تاريخيه , حنا نأمل ان نحقق الثلاث نقاط أقل تقدير من فريق كالياري ونأمل من حكم المباراة أنه يركز على الملعب , كل مبارياتنا الي راحت يزرفنا بشئ مره بلنتي ومره طرود مدري وش تبي , عموما بكره ابياتي مابي اشوفه ولا أبي القي نظره عليه في الملعب لأن بالحقيقة خايف على التلفزيون يجيه شئ من قبلي , ونسيت شئ احب ابارك لجميع الميلانيستا برجوع أسطورة الدفاع بونيرا اساسياً غداً , أطمئنو لن تأتي الاهداف بأذن الله .. ,

..

المهم اليوم مباراة ممتعه بنشوفها في فيورنتينا , اليوفي مب فايز مثل السنة الماضية ب 5 لأن الحقيقة فيورنتينا هالسنة جميل لعبه وأكثر توازن من السنوات الماضية الفريق يلعب ككتلة واحدة دفاعيا يستخدم نظام المجموعة في تغطية المناطق وليس نظام الفردية , وهذا الكلام ينطبق في الهجوم لكن ! مع وجهة نظري أن يوفتيتش أناني نوعاً ما في أغلب الكورات .. اليوفنتوس بيدخل بنظامه المعهود الضغظ على حامل الكرة مع بداية منتصف ملعب الخصم وتقفيل المساحات والاعتماد الكلي على الياقة البدنيه والقوة الجسمانية هذا في حالة الدفاع , في الهجوم الفريق يلعب بطريقه التحرك بدون كرة وفتح مناطق اللعب لحامل الكره , مره تشوف فوزي يملك الكوره تجي تشوف ثلاث على الاقل يحاولون يفتحون اللعب معه وهالكلام ينطبق على الكل , ومع هذه الميزة يملك ايضاً لاعب قادر على ايصال الكرة بشكل عرضي الي هو بيرلو , لذلك قد يكون سيناريو المباراة ضغط يوفنتيني على فيورينتيني , ولكن ! الاهداف ممكن تلج بأي لحظه للفريقين خصوصا الفيولا أن أستخدم نظام الجماعية المطقنه في عملية المرتدة , اليوفي بأي حال من الاحوال سيسجل ربما يستعين بالحكم قبل نهاية المباراة أن أستعصى عليه الامر في التسجيل ..

..