- بسم الله والصلاة والسلام على خير خلق الله . محمد ابن عبدالله . باك . قبل حديثي عن مباراتنا ضد الليفر . احب اشكر كل العيال اللي شاركوا معنا وحاولوا يعدلون من وضع الرابطة . ولا ودي اذكرهم بالاسماء لاني اخاف انسى احد فيهم . واقولهم بيض الله وجيهكم . واستمروا على هالحال بالمقابل اوجه دعوة لـ اخواني المتفرجين . اللي يدخلون يشوفون الاخبار ويطلعون . واحب اقولهم بإنه يجوز المشاركة بالمنتديات . ولا هي عيب او حرام . ’, ندخل على جو المباراة . وابدأ عن فريقهم الليفر هالموسم بادي بداية اكثر من سيئة . وفريقهم متشتت من جميع النواحي ومدربهم الى الان ما تأقلم على اجواء المباريات الكبيرة . ولا تأقلم على فريقهم اساساً لكن هالشيء مو معناته انهم بيظهرون بهالسوء ضدنا والسبب مباريات الفريقين ما تخضع لاي مقاييس . وياما شفنا اليونايتد يهزم الليفر بعد ما كان سيء في الموسم . والعكس صحيح فريقهم كعناصر جيّد جداً . لكن كتوليفة في الملعب ما اشوفه شيء والسبب مدربهم اللي الى الان ما عرف يستخدم اللاعبين اللي عنده نبدأ من حارسهم رينا . اللي صاير نكبه هالموسم . ومستواه في انحدار شديد ويمر في مرحلة انعدام الثقة بالنفس . والسبب من جمهورهم طبعاً وهذا هو اول نقاط ضعفهم اما دفاعهم . فـ عندهم ظهير يمين مميز . وقلب دفاع يساري اميز . جونسون واقير من افضل لاعبين البريمر هالموسم . وهم احد نقاط قوة الليفر لهالموسم بخصوص ظهيرهم اليسار فهو ايضاً مستواه في انحدار مثل رينا وراح يكون نقطة ضعف كبيرة وراح يسبب لهم المشاكل اما سكيرتل . فعيوبه اكثر من مميزاته . لاعب خشن ويتنرفز من اي واحد . فوق كذا نكبة لا قابل لاعبين يملكون سرعة مثل كاقاوا او ناني . ويعني ذلك بإن دفاعهم تقريباً في نفس قوة دفاعنا او اقل ( وانا اقصد هالموسم ) اما وسطهم فـ هو بطيء جداً في استغلال المرتدات . وبطيء في تحضير الهجمة والسبب شاهين بوجهة نظري مع العلم بإن الليفر يملك محور عالمي . وممكن يكون مصدر خطورتهم كلها من عنده الا وهو جو الين . لاعب مهاري . وسرييع بديهة . ويفهم طريقة لاعب اجنحته وعنده توزيع اللعب بشكل عجيب جداً على عكس جيرارد اللي بدأ بداية سيئة جداً معهم هالموسم بخصوص اجنحتهم فـ ما منها اي خطورة ما عدا رحيم اللي ممكن يكون مصدر ازعاج خصوصاً اذا كان ظهيرنا رافا موب يومه اما هجومهم بوريني وسواريز . وكلهم الى الان ما قدموا المأمول منهم او ما قدموا الشيء اللي كان ينتظره جمهورهم منهم ويعني ذلك ان ما على دفاعنا خوف منهم ابد ابد ابد نستنتج من هذا كله ان حارسهم مع دفاعهم راح يكونون احد لاعبينا واذا ما استغليناهم واستغلينا سوءهم هالفترة راح نندم جداً . لان مستحيل تلقاهم مرة ثانية بهالسوء اما فريقنا . فـ ولله الحمد مثل ما ذكرت اكثر من مليون مرة يبشر بالخير وبدأ يرتفع رتم الفريق مباراة ورى المباراة وبدأت تطلع فوائد لاعبينا الجدد حراستنا اعتقد في افضل حال من سنوات وسنوات وسنوات خيا وليندي . كل واحد منهم يقول الزين عندي ( ما شاء الله تبارك الله ) اما دفاعنا فـ للأسف يخوف في بعض الاحيان والسبب قد يكون عدم الانسجام الى الان . ريو بين كل شهر وشهر لازم اسبوع راحة وفيدا توه راجع من اصابة كانت 6 شهور او اكثر اضافة الى ذلك ايفرا اللي بدأت نكباته تظهر اكثر من اول . ولا ادري وش مصبر السير عليهم ولا ادري بعد ليه مخليه نائب الكابتن . اما عن رافا فـ الى الان ما ثبت على مستوى . مرة فوق ومرة تحت . وعساه بكره يطلع فوق بخصوص الوسط فـ ماشي حاله بعودة كليفز واندو الاحتياطيين واللي يريحون سكولزي وكاريك في بعض المباريات الصغيرة هجومنا اعتقد انه في حالة ممتازة ولله الحمد واللي وصل معدل تهديفه في المباراة الوحدة لهدفين ونص . بخصوص لقاء بكره اتمنى السير يبدأ بالحراسة خيا . اللي متعود كثير على مثل اجواء هالمباريات ويكون قدامه الرباعي الدفاعي اللي بدأ فيه في مباراة ويقان بخصوص الوسط اتمنى نشوف كاريك وسكولز وفالنسيا وناني وقدامهم بيرسي وكاقاوا اعتقد هالتشكيلة ما فيه افضل منها . ومتوازنة من جميع النواحي لا دفاعياً ولا هجومياً واثق بإن السير لو بدأ بهالتشكيلة راح يرجع بالنقاط الثلاث ( بعد مشيئة الله ) . ’, طبعاً هذا رأيي بما يخص مباراة الغد المنتظرة ولي عودة لنقاش مساعد بإذن الله
