| يارجال استعد للخروج كالعاده من كأس اسيا
تعبنا ملينا كل سنه كل سنه وحنا نطلع بمستوى يفشل
ومن فرق ضعيفه
ورررربي اتكلم صااادق خلاص طفشنا
انك ماتكون في مستواك وتطلع من بطووله نقوول عادي
بس عشر سنوات وانت تطلع من هالبطوله بمستوى يفشل هنا المشكله
الشارقه قلنا كبوة ام صلال قلنا صدفه لعبنا ع الارض والملعب فل مع الاوزبكي وقلنا برضو مو في يومهم
والاتحاد مغطنا بعدها ومسح فينا الارض وقلنا معليه وقبلها الوحده ع ارضنا وقبلها العين مرتين
وغيرها وغيرها
خلااااااااااااص ياهلال انسحب من اسيا مدام كل سنه تطلع بمستوى يفشل ولاعبين كأنهم اول مره
يشوفون كرة قدم لارووح ولا لعب مجرد اشبااااااااح تجري في الملعب بدون اي هدف
كل سنه نقول السنه الجايه
كل سنه نقول بنحققها
حتى هالسنه البطوله مفصله تفصيل للهلال
فرييييق كوري ضعيف جدا والنهائي في الرياض بس لازال الهلال يعععععععك في الملعب
ودك تمسك اللعيبه وتقول ياحبايبي العبوووا قدموااا اي شي حتى لو تنهزمون مسامحينكم
بس العبوووووا حسسونا انكم تلعبون كرة قدم ليش خايفين من الكورة ترا ماتعض والله
كل سنه يخذلونا اللاعبين اوقات الحسم وعذرهم دايم جاهز
(( ماكنا في يومنا )) او (( ماتوفقنا)) انت قدمت شي علشان تتوفق؟؟ انت نزلت للملعب ووقفت
مثل الصنم تسعين دقيقه وطلعت
انت اكبر همك لوووك جديد وقصه شعر وتقليعات وربطات وكل واحد منكم حاط السماعات في اذنه وطرباااان كيف تبي تتوفق
والسنه هذي كملها المدرب اللي واالله مايدري وش السالفه جالس يكتب ملاحظات في ورقة صغير
كأنه في محاضره
يخرررررررررب بيتك 11 لاعب جالسين يخبصوووون قدامك في الملعب
وعندك الفريدي والدوسري وياسر والفرج والدقيقه تعدت 80 وانت جالس تفكر تغير والا لا
سبحان الله شفت مباراة الاتحاد البارح وعرفت وقتها وش معنى روووووووح
فريق صيني قوووي جدا جدا بس الاتحاد فاااز بالاربعه برووووح الفريق
اللي ودعناها مع يوسف وسامي والتمياط وابواثنين والتيماوي واللاعبين اللي يلعبون
بروووووح  | 