السلام عليكم ورحمة الله وبركاته

هاردلك عشاق الزعيم على الخسارة

عطفاً على مستوى الشوط الثاني المفروض نخرج بتعادل

عندي بعض النقاط اتمنى نتكلم فيها بكل هدوء بدون عاطفه

اولا : فريق اعداده من اول مو قد الطموح ومدرب عاطل واجانب الله بالخير
عدا المسكين ويسلي
ثانيا : حتى لو فزنا في مباراة الاياب وتأهلنا لن نحقق البطولة وانا اقولها وقد كلمتي
بوجود نامي والزوري والمرشدي ومانقان

ي عالم الواحد يتابع كورة مو جاهل عشان يجي واحد يقول الادارة ابخص
كنى نقولها قبل لان كان فيه أمل عندنا اللي هو سامي الجابر

لكن سامي رحل

ثالثاً : الرئيس قلب النادي استثمار والمقربين منه هو اكبر ناس يكرهون ظهور
الهلال بمستواه المعروف

اقسم بالله اللي صاير للنادي اكبر غبن الى متى قولوا

لاعيبه ماتستاهل تلبس الشعار وتلعب

تذكرون بعهد الامير محمد بن فيصل مره من المرات كنت متواجد بغرفة الملابس للاعيبه كان يهاوش ويسب كل لاعب ويهدد اللي مايبي يلعب للشعار يعلمنا وباب النادي مفتوح لكل متخاذل

ابو فيصل والله نحبك لكن الكيان الطيبة ماتنفع مع هالاعيبه والله
اخر دلع مدلعهم رواتب ومقدم عقود الله يزيدهم مانحسدهم لكن قدم مستوى
مانبي لاعيبه مزاجيه يلعب مباراة و 5 مباريات يتمشى بالملعب

ماذا قدم عبدالعزيز الدوسري امس يعدد كم مساحه الملعب مثلا

نجي للمدرب الجبان وتغييراته الغبيه طيب تبي تطلع هرماش ليه حتى لو ماقدم مستوى طلع نامي ونزل سلمان الفرج ورجع الشهراني ظهير وهرماش نزله وسط

وتغييره الثاني بالدقيقه 82 سلامااااااااااااات وش يسوي ياسر في 9 دقايق حتى لو وهو بعيد عن مستواه يظل افضل من الكوري

قلتها في مواضيعي السابقة لن نحقق اسيا الا بوجود مدرب مثل كوزمين
بتقولون كوزمين قتل المتعه ي شيخ اي متعه رح شف مورينهو كيف حقق ابطال اوروبا مع الانتر الا بالدفاع

كوزمين كان الهلال ينهي موسم في جميع البطولات يسجل فقط مرماه 6 اهداف عليه

رسالتي لابو فيصل : قبل حدوث كارثه الخروج اقاله الخال كومباريه واجبه وعاجله
مع تقديم شهاده شكر لكل من نامي والمرشدي وهرماش والكوري
واقرب رحله لـ مانقان