نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رحلة عذاب في الدوائر الحكومية في جدة ... وينك يا ألمانيا تعلميهم نظامك !!

@@almoreb@@ · #1 07/09/2012, 03:47 PM

السلام عليكم ورحمة الله وبركاته ..

كيفكووووون ؟؟

عارف افتقدتوني وافتقدتوا النت الألماني السريع

.. لكن للحين عند الوالدة

وباقي 3 اسابيع ونرجع نغترب ويا قلب لا تحزن ..

المهم ما علينا من الخربشة اللي فوق وخلونا ندخل برحلة العذاب اللي حصلت لي يوم الثلاثاء والاربعاء في جدة ..!!

الموقف الأول :

الوالدة تبي تروح تزور أهلها في اليمن ولازم نفصل اخواتي الصغار من الجواز حقها .. لذا قررنا الذهاب لجدة للقنصلية اليمنية وفصل الكناري من جوازها .. بصراحة كنت ناوي أروح الساعة 10 الصباح ومتوقع كل شئ يخلص بسرعة لان هذي المرة الأولى اللي ادخل فيها مقر حكومي عربي !!

لكن ولله الحمد أشار إلي بعض الرفقه أن أصلي الفجر عند القنصلية

... امزح أمزح يعني لازم أروح بدري ... فذهبت الساعة ال7 صباحا ولقيت أمم وأمم وكأني في يوم الحشر !!

بصراحة تعقيد في تعقيد وانتظار بالساعات حتى تقدم الطلب .. وانتقال من شباك لشباك كأنك طالب صدقة

... وزحمة وقرف وحر وكل شئ سئ بالدنيا ... الين بالأخير قدمت الطلب وقالوا تعال بكره استلمه !!

طلعت من السفارة الساعة 1

... والعرق يتصبب مني كشلالات نياجرا .. والأخلاق واصله حدها .. وثوبي الجديد وسخان وحالته حاله .. وكأني لعبت كورة في الحارة بعد صلاة الظهر

!!

في اليوم التالي ذهبت لاستلام الجوازات .. وصحيت كالعادة الساعة 7 الصباح وقلت راح أكون في أول الطابور واستلم الجوازات وأرجع بدري للفندق وأكمل نومي

وصلت للقنصلية واذا بطابور طويييييييييل .. أوله داخل القنصلية وآخره على الخط السريع وطالع من المخرج

... وأوقف بالطابور وتحت أشعة الشمس الين ذابت الخلايا المخية

.. وما وصلت داخل القنصلية الا بعد ساعتين ... وانتظرت نص ساعة داخلها الين جا دوري وأخذت الجواز وانا بحالة يرثى لها

..

طيب ليش ذا كله .. فصل طفلين من جواز ياخذ يومين وعناء وتعب لأكثر من 10 ساعات !! وين حنا يا عالم !!

الموقف الثاني :

بعد ما استلمت الجوازات قررت اكمال المعاناة والذهب لوزارة الخارجية لتصديق عقد زواجي .. كالعادة لازم تاخذ رقم وتنتظر تنتظر الين يجيك الفرج .. بعد انتظار نصف ساعه وصل رقمي ورحت للشباك .. فإذا بذلك الوجه العبوس الذي لا يرجى منه الا الشقاء قائلا : وش تبي ؟! ... أنا : أبي أصدق عقدي لو سمحت ... هو : هات اقامتك واقامة زوجتك ... أنا : اتفضل اقامتي لكن اقامة زوجتي معاها وتراني لسه عاقد فقط وما أقمت الفرح ... هو : جيب اقامة زوجتك وتعال !!

... انا : من وين أجيبلك اقامتها والله مشوار وتعب وبعدين ترى العقد مصدق من السفارة اليمنية .. يعني مش مزور !! .... هو : روح كلم المدير طيب في شباك 3 !!

ذهبت للمدير وكلي امل انه يكون شخص متفهم ويقدر تعبي ... فإذا بذلك الوجه الشؤم ذو التكشيرة السوداء ... هو : خير ؟! .... انا : حكيته الحكاية كلها .... هو وبكل غلاظة : روح جيب اقامتها وش دراني ان العقد صحيح .. لو مو موجودة الاقامة راح يعتبر عقدكم لاغي وزواجكم غير صحيح .... أنا :

طيب طيب خلاص

وضربت مشوار غير طبيعي لبيت المدام وجبت اقامتها ورحت في اليوم التالي وختمولي العقد أخيرا !!

ما يستفاد من البربرة الزايدة هذه :

1- فضفضت شوي

2- الى متى ه التعامل .. والى متى لازم يتمرمط العربي في الجهات الحكومية ؟!!

3- حركت المنتدى شوي لأنه نايم

موقف ألماني مماثل لتعلموا الفرق والصدمة الكبيرة لي :

قبل انتهاء اقامتي في ألمانيا بشهرين وصلتني رسالة بريدية مفادها .. لو سمحت ادخل موقعنا واحجز لك موعد عشان نجدد لك اقامتك فديتك

دخلت النت وفي 5 دقايق عملت موعد مناسب لي وفي اليوم والساعة اللي ابيها

رحت لموعدي ولقيت رقمي موجود والموظف جاهز وبكل سعة صدر سلم علي وجلسني على كنبة مريييييحة ودك تاخذ عليها قيلولة

... اخذ مني الأوراق اللازمة وكلها 5 دقايق واعطاني الاقامة مجدده ..

ما يستفاد من الموقف البسيط الألماني :

ليش ما نكون مثلهم يا عالم .. والله صرت أنتظر متى أجدد اقامتي عشان أجلس ع الكنبة ذيك

.. واستمتع بالتعامل الراقي ... وأحس بانسانيتي ومكانتي في العالم

..

أخيرا :

سلموووا لي على الجهات الحكومية العربية وقولوا لها : تبا لك

!!