سألتك بالذي خلى عيونك تذرف الدمعات
تكف الدمع لاتجني على خديك دمعاتك
انا ما قد خبرت اني تعمدت اجرحك بالذات
وانا ماهمني غيرك اعيش من اجل مرضاتك
سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك
أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك
تظنين الوفا كلمه عجب واصل الوفا وقفات
صغير الشي في ظنك يصير اكبر معاناتك
تردين الخطا يمي .. تزيدين الالم شرهات
وانا صمت الشقا فيني حكى من كثر شرهاتك
