انا ارجع السبب لشئ واحد ضعف هيبه رجال الامن وعدم اعطائهم صلاحيه عاليه يعني اذا العسكري مسك واحد يفحط ودخله التوقيف المفحط او المخالف للنظام بشكل عام يهدد العسكري وهو راكب معه في الدوريه انا باكلم الظابط الفلاني واطلع ويحلف ان الظابط بيعاقبه وهذا اللي يصير ابو المفحط او قريبه يكلم الظابط ويطلع المخالف في اقل من نصف ساعه وممكن الظابط يعاقب العسكري وهذه تحصل وكلنا عارفين الشئ هذه من بعدها يصير العسكري مايهتم فيهم ويصير المخالف يمشي بكل تكبر لانه عارف انه بيطلع ولا يفكر في احد ويصير رجال الامن ماعندهم هيبه ولو يعطون رجال الامن دورات في التعامل مع الناس ويعطى كامل الصلاحيات والقرار اللي ينزله يتطبق غصبا عن اكبر ظابط سوا يحول المخالف للمحكمه او للتوقيف حسب النظام ماتشوف احد يقدر يتكلم بكلمه على رجل الامن سوا مفحطين او حتى اهل القطيف

انا في امريكا الحين ادرس اشوف الامريكان يخافون من رجل الامن خوف مع انه نظامي لكن من يشوف دوريه يرتجف حتى تبعد منه الدوريه حتى حارس الامن في الجامعه او الاسواق عنده نفس صلاحيه رجل الامن في الشارع وبعضهم يكونون اشد منهم في التعامل لان هذا امن بلد واذا رجل الامن مسك مخالف هو اللي يحكم عليه مايحوله للظابط لانه هو اللي شاف المخالفه ويعرف وش النظام فيها او يحوله للمحكمه حسب المخالفه ولا احد يتدخل ويوقف قراره لا ظابط ولا غيره

لك تحياتي وتقديري واسف على الاطاله