اولا مبروووك عودة الفريق للطريق الصح طريق الفوز والضرب بالنتايج الكبيره والاحلى ان فريقنا توفق في مهاجم برازيلي خطير وفنان يعرف طريق المرمى بكل مهاره والحمد لله صار عندنا هداف نعتمد عليه بعد الله في حسم المباريات لكن اللي ابغى اتكلم فيه خاص بمحبوب الهلاليين نجم آسيا ياسر القحطاني والله كلنا فرحنا ببداية عودة القناص لمستوياته اركز على كلمة بدايه العوده ياسر يحتاج الوقوف جنبه علشان يسترد مستواه ومكانته الاولى كسيد المهاجمين السعوديين ياليت من المباراه القادمه مع الاتفاق يلاقي دعم جماهيري كبير لان الكل عارف ان ابو عبدالعزيز مشكلته نفسيه اكثر منها فنيه ،اللي حصل لياسر من مدرجات الحقد مستحيل يستحمله أي لاعب مهما كان صبره .
اتمنى من سمو الامير عبدالرحمن بن مساعد وهو صاحب احساس مرهف ويقدرمعنى المشاعر والاحاسيس اتمنى منه مخاطبة الرئيس العام لرعاية الشباب في موضوع الهجوم على كابتن فريقنا بل كابتن المنتخب من مدرجات الحقد والحسد والكراهيه اتمنى يكون دور الاداره ايجابي وفعال في موضوع ياسر واكبر مثال احتراف ياسر في العين رددت جماهير الوحده العبارات التافهه وعاقبتهم لجنة الانظباط في الاتحاد الاماراتي وعاش ياسر موسم كامل نظيف ونقي وكانت النتيجه ابداع من القناص حقق بسببه ياسر الدوري بكل سهوله مع العين ،،يعني لو يلاقي ياسر نفس الحمايه من لجنة الانظباط في ملاعبنا اكيد القحطاني رح يرجع لمستواه ورح يفيد المنتخب حتى ولو قال ياسر انه اعتزل دوليا انا متأكد ان ياسر اذا استمر في مستواه الرائع رح يرجع لقيادةالمنتخب.
اكرر ياسمو الاميرياسر غادر للامارات الموسم الماضي بسبب انعدام الراحة النفسيه تكفون لاتخلون نجمنا الكبير يحاربهم لوحده اوقفهم ياسمو الامير عند حدهم علشان نستمتع مع الهداف الكبير.
